LEXO PA REKLAMA!

SHKARKO APP

ARRSH shpall fituesin/ Cila është kompania që mori tenderin për rrugën Elbasan-Qafë Thanë

1 Qershor 2023, 15:19, Aktualitet CNA

ARRSH shpall fituesin/ Cila është kompania që mori tenderin

Autoriteti Rrugor Shqiptar shpalli kompaninë fituese të tenderit për zgjerimin e rrugës Elbasan-Qafë Thanë.

Fitues për fazën e dytë të punimeve është shpallur kompania 4-AM.

Sipas dokumenteve të publikuara në Agjencinë e Prokurimeve Publike, tenderi ka një fond limit prej 2.5 miliardë lekësh.

Në garën për punimet në rrugën Elbasan-Qafë Thanë u paraqitën 3 oferta në total. Rruga që do të zgjerohet është me gjatësi 3.84 kilometra.

Aksi fillon në fshatin Mirakë dhe përfundon 600 metra përpara urës të Murrashit. Punimet janë parashikuar të përfundojnë brenda dy viteve.

Ky është segmenti i dytë për të cilin po zhvillohet tenderi, teksa në segmentin e parë, që ka një gjatësi prej rreth 5 klometrash, në fillim të këtij viti nisën punimet.

Në total, gjatësia e rrugës nga Elbasani në Qafë-Thanë është 50.12 kilometra./ CNA.al

Lajmet e fundit nga