LEXO PA REKLAMA!

SHKARKO APP

Kërkoi heqjen e sekuestros së llogarisë bankare, rrëzohet kërkesa e Arben Ahmetajt

26 Shtator 2023, 15:21, Aktualitet CNA
Kërkoi heqjen e sekuestros së llogarisë bankare, rrëzohet
Arben Ahmetaj

Gjykata e Posaçme Kundër Korrupsionit dhe Krimit të Organizuar ka refuzuar kërkesën e Arben Ahmetajt për të liruar nga masa e sekuestros preventive një llogari bankare në emër të tij.

Llogaria në fjalë ishte një nga gjashtë pasuritë e vendosura nën sekuestro për llogari të hetimit të nisur ndaj ish-zëvendëskryeministrit për veprat penale të “korrupsionit”, “pastrimit te parave” dhe “fshehjes së pasurisë”.

Sipas gjyqtarit Erjon Bani, kërkesa e paraqitur nga avokatët e Ahmetajt ishte e pabazuar në prova dhe ligj.

Arben Ahmetaj u largua nga Shqipëria para se të firmosej urdhër-arresti. Ai akuzohet për “mosdeklarim, deklarim të rremë dhe fshehje të pasurisë”, vetëm dhe në bashkëpunim, “Korrupsion pasiv të funksionarëve të lartë shtetërorë ose të zgjedhurve vendorë” në gjashtë raste, “Pastrimit të produkteve të veprës penale ose veprimtarisë kriminale”.

 

Lajmet e fundit nga