web counter
LEXO PA REKLAMA!

SHKARKO APP

App Store
Google Play

E fundit!

x

Carlo Bollino kërkon amnisti për të shpëtuar zdromsat dhe veten

Duke dalë me një kërkesë për një amnisti të tillë, përveç halleve që renditëm më sipër, Carlo Bollino ka hallin e tij ndoshta më shumë sesa të zdromsave, një pjesë e të cilëve janë brenda, një pjesë pritet të arrestohen dhe për një pjesë vazhdojnë hetimet ashtu si për Carlon.

26 Tetor 2024, 12:28, Aktualitet CNA
Carlo Bollino kërkon amnisti për të shpëtuar zdromsat dhe
Carlo Bollino

Nuk është e papritur që Carlo Bollino të dalë dhe të kërkojë një amnisti, një amnisti që të mos ndëshkohet më kasta politike sot në detyrë, apo ajo që ka ikur dje, por të falen, kështu SPAK-u do të ishte më i qetë, gjërat do të fillonin nga e para, teza e teori bollisniste që nuk habitin askënd.

Carlo Bollino i paguar inceneratorët për fushatë, pagesa të konfirmuara me email që përkojnë me zgjedhjet e 2021-shit, Carlo Bollino i fondeve publike nëpërmjet kompanive të tij, rast i denoncuar nga politika, përfitues i koncesioneve të pushtetit, njeriu i propagandës së Rilindjes kërkon të shpëtojë zdromsat.

Carlo Bollino kërkon amnisti për të shpëtuar zdromsat dhe
Carlo Bollino

Po, po, shqip kërkon të shpëtojë zdromsat.

Ndërkohë që SPAK-u po thellon hetimet për inceneratorin e Tiranës dhe dosjen “5D”, ndërkohë që priten arrestime të disa drejtorëve të tjerë të Erion Veliajt, dhe thuajse të gjithë drejtorët e Bashkisë së Tiranës që e kanë drejtuar atë pritet të shkojnë në burg, Carlo Bollino kërkon një amnisti me argumentin se 80% e atyre që janë arrestuar deri tani i përkasin mazhorancës dhe pjesa tjetër e 20%-shit ngelet Sali Berisha dhe Ilir Meta dhe kaq ngelet e gjitha.

“Ndoshta e vetmja reformë reale që duhet të bëjë parlamenti është të shqyrtojë një formë amnistie që i bën të dënueshme vetëm krimet më të rënda të së shkuarës dhe që bën për gjithë të tjerët të fillojnë nga e para. Edhe pse, për të ndëshkuar politikanët e vjetër dhe të korruptuar, mjaftojnë zgjedhësit”, thotë Bollino.

Në fakt, në disa rreshta të tjerë Bollino thotë një të vërtetë, në Itali mjafton të hapeshin hetimet dhe njerëzit jepnin dorëheqjen, ndërkohë që Erion Veliajt i kanë arrestuar të gjithë drejtorët dhe ai vazhdon të qëndrojë në bashki. (Lexo këtu)

Të gjithë e dinë se çfarë është një i vetëquajtur zdroms, ndoshta ai kërkon të ushqejë me propagandë shqiptarët dhe t’i tregojnë dhëmbët SPAK-ut, por pak rëndësi ka kjo. (Lexo këtu)

Carlo Bollino kërkon amnisti për të shpëtuar zdromsat dhe
Kryebashkiaku i Tiranës, Erion Veliaj

Tashmë, Erion Veliaj dhe zdromsat e tij kanë marrë rrugën, ata nuk i shpëtojnë dot teoritë e Carlos, por ajo që nuk të habit fare është fakti se kanë kaq shumë kurajo sa të quajnë normale inceneratorët, “5D”-në, të thonë se i ka bërë pushteti i Rilindjes, janë të arrestuar, socialistët po ndëshkohen për korrupsionin e tyre, etj. etj. 

Në të vërtetë, ata që janë arrestuar janë hajdutë, janë të korruptuar, kanë akuza, do të shkojnë në burg, nuk ka rëndësi a janë socialistë, demokratë, të LSI-së apo janë pa parti. (Lexo këtu)

Kjo lloj amnistie që kërkon Carlo nuk është gjë tjetër veçse një lëvizje apo shërbim ndaj zdromsave, si ato që bën Fatmir Xhafaj kur flet në Parlament apo ato që donte të bënte me një komision famoz, që tashmë e ka marrë përgjigjen. (Lexo këtu)

Carlo Bollino kërkon amnisti për të shpëtuar zdromsat dhe
Fatmir Xhafaj

Të njëjtën përgjigje duhet të marrë edhe Carlo Bollino, duhet ta marrë mediatikisht, duhet ta marrë edhe politikisht që të mos ketë kurrë një amnisti siç e kërkon Carlo dhe kur e kërkon Carlo.

Janë kërkuar amnisti në kohë, Edi Rama ka mbajtur shumë qëndrime, por në këtë situatë nuk mund të ketë amnisti pa shkuar në bankën e të akuzuarve çdo lloj zdromsi që po vazhdon të rrjepë xhepat e shqiptarëve.

Mund të ketë abuzuar kjo opozita e sotme dje, por ishte dje, ishte para 10 vjetësh dhe po jep përgjigje para ligjit, të japin edhe ata që po kërkojnë mandatin e katërt dhe fara e zdromsave që kanë vjedhur Shqipërinë. (Lexo këtu)

Ndaj dhe Carlo ka hall se është pjesë mediatike, politike, e kësaj mazhorance, e kësaj shumice, do t’i shpëtojnë zdromsat që i vijnë vërdallë.

Carlo Bollino kërkon amnisti për të shpëtuar zdromsat dhe
Erion Veliaj dhe Carlo Bollino

Është fakt edhe që SPAK ka filluar hetimet edhe për disa çështje që lidhen direkt me Carlo Bollinon. (Lexo këtu)

Duke dalë me një kërkesë për një amnisti të tillë, përveç halleve që renditëm më sipër, Carlo Bollino ka hallin e tij ndoshta më shumë sesa të zdromsave, një pjesë e të cilëve janë brenda, një pjesë pritet të arrestohen dhe për një pjesë vazhdojnë hetimet ashtu si për Carlon./ CNA





Lajmet e fundit nga