web counter
LEXO PA REKLAMA!

SHKARKO APP

App Store
Google Play

E fundit!

x

Gazetari: Në shkolla po qarkullon një substancë në trajtë çamçakëzi, shkakton përgjumje

25 Tetor 2024, 15:54, Aktualitet CNA

Gazetari: Në shkolla po qarkullon një substancë në

Gazetari Mentor Kikia ka ngritur një alarm në lidhje me një substancë që po qarkullon në shkolla.

Me anë të një statusi në rrjetet sociale, Kikia thotë se në një shkollë 9-vjeçare në Tiranë është identifikuar një substancë që ka trajtën e një çamçakëzi.

Sipas tij, kjo substancë është identifikuar nga një mësuese, e cila ka vërejtur se nga përdorimi i saj fëmijët pësojnë një gjendje përgjumjeje.

Gazetari i kërkon prindërve të tregojnë kujdes dhe të kontrollojnë fëmijët, ndërsa i bën thirrje edhe autoriteteve të zbulon çfarë lloj substace kanë përdorur nxënësit.

Deklarata e plotë:  

Kujdes! Ruani fëmijët nga një “substancë” e tillë

Në një shkollë 9-vjeçare në Tiranë është identifikuar një substancë në formë të tillë, që ka trajtën e një çamçakëzi, dhe që përdorej nga një/disa nxënës. Mësuesja që e ka identifikuar, është treguar vigjilente dhe ka lajmëruar prindërit e nxënësve të klasës që të bëjnë kujdes, pasi ajo ka vërejtur se nga përdorimi i saj fëmijët pësojnë një gjendje përgjumjeje.

Po e bëj këtë publikim për të tërhequr vëmendjen e prindërve në kontrollin që duhet të tregojnë ndaj fëmijëve. Nuk kam informacion nëse kjo është një substancë narkotike apo jo, por padyshim që duhet të jetë e dëmshme në raport me gjendjen që prodhon.

Gjithashtu, duhet doemos një bashkëpunim me policinë për të zbuluar se çfarë është dhe nga vjen.

Shkollat kanë qenë dhe janë të synuara nga shpërndarësit e substancave narkotike, pasi rrjetet e trafikantëve kërkojnë klientelë të re konsumatorësh. Ndërkohë që lista e produkteve narkotike shtohet rregullisht me substanca të reja sintetike.

Kundër këtyre problemeve sociale e kriminale, duhet një bashkëpunim mes shkollës, familjes dhe policisë.

Jeni të lutur ta shpërndani këtë postim, për më shumë informim./ CNA

Gazetari: Në shkolla po qarkullon një substancë në





Lajmet e fundit nga