web counter
LEXO PA REKLAMA!

SHKARKO APP

App Store
Google Play

E fundit!

x

Afera në inceneratorin e Elbasanit/ Lefter Koka: S'jam unë peshku i madh

25 Tetor 2024, 15:34, Aktualitet CNA
Afera në inceneratorin e Elbasanit/ Lefter Koka: S'jam unë peshku
Ish-ministri i Mjedisit, Lefter Koka

Apeli i Posaçëm mbajti këtë të premte seancën për aferën në inceneratorin e Elbasanit, ku prokurorët dhanë pretencën për ish-ministrin e Mjedisit, Lefter Koka dhe ish-deputetin Alqi Bllako.

Koka kundërshtoi pretencën e prokurorëve të SPAK-ut, duke thënë se nuk është ai peshku i madh.

Ai pretendoi se është i pafajshëm, ndërsa deklaroi se dosjet për inceneratorët nuk duhet të ishin ndarë.

"Jam i pafajshëm, ju po kërkoni të më dënoni mua si peshkun e madh, por nuk jam unë peshku i madh. E di i gjithë Durrësi që unë jam biznesmen dhe nuk kam pasur nevojë të më paguajë biletat e udhëtimit Mirel Mërtiri. Nuk më dënoni dot për korrupsion. Avokatët e tij thanë që biletat e rezervuara janë 3 vjet më vonë sesa lidhja e kontratës. Prokurorët pse nuk marrin si referencë kontratat e tjera për landfille si ai i Vlorës dhe Lezhës që janë më të shtrenjta. E keni gabim, dëgjova prokurorin sot, ky është fiks kallëzimi i bërë nga Monika Kryemadhi. Megjithëse ka kaluar një vit konkluzionet e prokurorëve janë të njëjta. Unë e kuptoj që institucioni do të marrë kredibilitet dhe kjo gjykatë do të jetë në presion, por besoj se do të jepni drejtësi dhe do të ngriheni në nivelin e duhur. Pse e ndatë dosjen apo që të më dënoni sa më shumë mua. Nuk duhet të ishte ndarë dosja por të hetoheshin bashkë. Ata që më kallëzuan janë sot në përballje me SPAK. Nëse hapni telefonin e Monikës, nuk do gjeni asnjë komunikim me mua në të", deklaroi ish-ministri në sallën e gjyqit.





Lajmet e fundit nga