web counter
LEXO PA REKLAMA!

SHKARKO APP

App Store
Google Play

VIDEO-Loti III, punime me ritme të larta në aksin Qukës-Qafë Plloçë, asfaltohen kilometrat e para

25 Tetor 2024, 07:58, Aktualitet CNA

VIDEO-Loti III, punime me ritme të larta në aksin Qukës-Qafë

Punimet vijojnë me ritme të larta në lotin e III të aksit Qukës-Qafë Plloçë, një nga akset më të rëndësishme dhe një prej investimeve më të mëdha për vendin.

Deri më tani janë asfaltuar 5 kilometrat e para të këtij aksi. Një punë voluminoze e cila po kryhet nga kompania 2T.

Qukës-Qafë Plloçë në fakt është një investim që ka nisur prej vitit 2013. Pas zhbllokimit të financimit, nisën vrullshëm punimet në të tria lotet e këtij aksi.

CNA ka sjellë me dhjetëra shkrime dhe reagime në lidhje me ndërtimin e kësaj rruge.

Ashtu siç mund të shihni dhe nga pamjet, kilometrat e para të rrugës janë shtruar dhe po punohet me ritme të larta për të kryer volumet e zhvendosjes së dherave, trasesë, urave dhe gjithçka tjetër që ka loti 3.

 
 
 
 
 
View this post on Instagram
 
 
 
 
 
 
 
 
 
 
 

A post shared by CNA.al (@cna.lajme)

Ky aks ka një rëndësi mjaft të madhe pasi falë këtij investimi Korça dhe Tirana do të kenë një lidhje edhe më të shkutër pas përfundimit të tunelit Tiranë-Elbasan dhe fillimit të investimit të rrugës Elbasan-Qafë Thanë.

Aksi Qukës-Qafë Plloçë e afron qytetin e Korçës jo më shumë se 120 kilometra nga kryeqyteti. Pra me ritmet e reja të lëvizjes së mjeteve dhe përfundimin e rrugës distanca Korçë-Tiranë pretendohet se do të kryhet për jo më shumë se 1 orë e 30 minuta.

Investimi dhe punimet duket se po ecin me ritme mjaft të mira, gjithashtu edhe kompanitë zbatuese në terren nga pamjet duket qartazi se po punojnë me një intensitet shumë të lartë dhe se gjithçka në lidhje me ndërtimin e rrugës Qukës-Qafë Plloçë pas sigurimit të financimit ka pasur një ndryshim madhor dhe ritme mjaft të larta të punimeve./ CNA

 





Lajmet e fundit nga