Mbyllja e sezonit veror në Pogradec/ Peleshi: Vitin tjetër mund të hapet rruga Qukës-Qafë Plloçë

12 Tetor 2024, 12:24, Aktualitet CNA

Mbyllja e sezonit veror në Pogradec/ Peleshi: Vitin tjetër mund

Niko Peleshi

Operatorët turistikë në Pogradec kanë mbyllur një sezon veror tepër të suksesshëm, ndërsa vjeshta dhe dimri vazhdojnë të shënojnë kërkesa të larta, jo vetëm për këtë qytet, por për të gjitha destinacionet turistike në Qarkun e Korçës.

Në këtë periudhë kur kërkesat dhe numri i vizitorëve të huaj po rriten dita-ditës, lind nevoja që pushteti qendror, ai lokal dhe bizneset të krijojnë paketa konkrete për të zgjatur ditëqëndrimet në juglindje të vendit.

Për këtë arsye, Niko Peleshi dhe Olta Xhaçka kanë nisur takimet me operatorët turistikë, jo vetëm për të diskutuar këto zhvillime, por edhe për të dëgjuar problematikat që kërkojnë zgjidhje të shpejta apo afatgjata.

Mbyllja e sezonit veror në Pogradec/ Peleshi: Vitin tjetër mund

Në fjalën e tij, Peleshi theksoi se juglindja është një shembull i veçantë, pasi ka treguar se edhe në kohë të vështira ka ditur të zhvillojë turizëm, falë investimeve të realizuara, por mbi të gjitha, falë talentit të operatorëve turistikë për t’u përshtatur.

Nga ana tjetër, kryebashkiaku Ilir Xhakolli nënvizoi se kërkesa e lartë për të pushuar në Pogradec ka ndikuar në rritjen e vlerës së pronave në qytetin liqenor.

Mbyllja e sezonit veror në Pogradec/ Peleshi: Vitin tjetër mund

“Qëllimi i këtij takimi është të identifikojmë ato punë, ato nevoja që ka Pogradeci për t’i marrë si detyra shtëpie që mund të bëhen dhe pa buxhete të mëdha. Dhe ato punë që duhen buxhete vitin tjetër mund të na vijnë me lajme të mira si përfundimi i rrugës që është stërzgjatur Qukës-Qafë Plloçë apo punë të tjera si investimi në Tushemisht. Kemi investime të mëdha. Jemi këtu për të dëgjuar dhe për të mbajtur shënime”, tha Niko Peleshi.

“Bashkia në këto 3-4 vite ka dhënë një kontribut të vyer për rritjen e turizmit në qytetin e Pogradecit dhe kjo duket në disa drejtime, e para që është rritur vlera e pronave në Pogradec. Objektivi ynë është për të bërë një turizëm elitar dhe këtu është fokusi ynë. Të mos mbetemi te ai turizimi tradicional të mos vijnë vetëm të moshuarit apo nënat me fëmijët të vegjël, por duhet të afrojmë me punën tonë dhe tuajën rininë dhe turizmin elitar që të gjithë e dëshirojmë”, shprehet Xhakolli.

Sezoni që lamë pas, si edhe ai i vjeshtës ku ndodhemi aktualisht, ka qenë tepër i suksesshëm dhe me rritje të vazhdueshme për operatorët turistikë, aq sa prenotimet për vitin 2025 janë tashmë edhe më të larta.

Olta Xhaçka shtoi se nëse para 10 vitesh agroturizmi ishte thjesht një projekt apo ëndërr, sot juglindja dhe çdo qark i Shqipërisë e ka përjetuar si një realitet të prekshëm këtë sektor turistik./ CNA