web counter
LEXO PA REKLAMA!

SHKARKO APP

App Store
Google Play

Dështon për të disatën herë seanca për inceneratorin e Fierit/ Shkak, avokatët e Kokës

11 Tetor 2024, 12:30, Aktualitet CNA

Dështon për të disatën herë seanca për

Seanca për inceneratorin e Fierit në Apelin e Posaçëm ka dështuar për të disatën herë radhazi.

Shkak është bërë mungesa e avokatëve të ish-ministrit të Mjedisit, Lefter Koka.

Avokati Julian Mërtiri kishte nisur një shkresë se kishte probleme shëndetësore, ndërsa avokati Denis Karaj u gjobit me 5 mijë lekë të rinj.

Seanca e radhës është caktuar të mbahet në orën 11:00 të 18 tetorit.

Kujtojmë se GJKKO dënoi me mbi 37 vite burg personat e përfshirë në aferë.

Dënimet:

Ish-ministri i Mjedisit, Lefter Koka, është dënuar me 10 vite burg nga GJKKO për aferën e inceneratorit të Fierit, por me gjykim të shkurtuar do të vuajë 6.8 vite burg.

Ish-deputeti i PS-së, Alqi Bllako, është dënuar me 4 vite burg, por me gjykim të shkurtuar do të vuajë 2.8 vite burg.

Klodian Zoto është dënuar me 11 vite burg, por me gjykim të shkurtuar do të dënohet me 8 vite burg.

Erjon Murataj, anëtar i komisionit të dhënies së koncesionit, dënohet me 3 vite burg, përfundimisht do të vuajë 2 vite burg.

Azem Shatëri, anëtar i komisionit të dhënies së koncesionit, 3 vite burg, me gjyq të shkurtuar, 2 vite burg.

Loran Dusha, administrator i Inceneratorit të Fierit, është dënuar me 7 vite burg, përfundimisht do të vuajë 4 vite e 8 muaj burg.

Arbër Denizi, administrator i PIVOT-04, dënohet me 7 vite burg, me gjyq të shkurtuar 4 vite e 8 muaj burg. 

Florian Muçaj, anëtar i komisionit të dhënies së koncesionit, 3 vite burg, me gjyq të shkurtuar 2 vite burg! Lirohet nga burgu, i ka mbaruar dënimi

Regan Merdanit, Gentian Ziflës, Sabina Cenamerit dhe Pëllumb Abeshit iu konvertua dënimi në shërbim prove./ CNA





Lajmet e fundit nga