web counter
LEXO PA REKLAMA!

SHKARKO APP

App Store
Google Play

E fundit!

x

Mehdi Malkaj: Rama ikën vetëm me shkelma dhe dru

11 Tetor 2024, 11:50, Aktualitet CNA
Mehdi Malkaj: Rama ikën vetëm me shkelma dhe dru
Aktori Mehdi Malkaj

Aktori Mehdi Malkaj bëri një thirrje të fortë gjatë fjalës së tij në protestën përpara Bashkisë së Tiranës.

Malkaj tha se kryeministri Edi Rama nuk largohet nga pushteti nëse nuk përzihet me shkelma dhe me dru.

“Ju shumë mirë bëni që thoni 'Rama ik', por Rama nuk ikën po nuk e zure me shkelma. Po s'e kape mirë në dru, druri të jetë i pagdhendur që ta sistemosh mirë. Prandaj mos e thoni më 'Rama ik', se 'druri ka dalë nga xheneti'”, u shpreh ai.

Aktori dha edhe një mesazh për personat që kanë kritikuar protestën e 7 tetorit.

“Zonja dhe zotërinj, ju falënderoj shumë për pjesëmarrjen në protestë sepse ka dhe kritikë të mëdhenj estetikë... që thonë se protesta nuk bëhet kështu, por kur e bëjmë nga fillimi deri në fund, ai, madhëria e tij, diktatori i fundit, thotë se 'e bënë shëtitjen'.

Shumë mirë që na kanë inat se do plasin nga inati i tyre! Thonë se protesta nuk bëhet kështu, por si bëhet?!

Zonja dhe zotërinj... a e keni vënë re kur njeriu nxehet me veten e tij dhe thotë 'si se bëra këtë', kjo është protesta, njeriu zihet dhe me veten e tij dhe jo më me atë qelbësirën që nuk ka lënë gjë pa bërë, me atë diktatorin.

Zotërinj policë, e kuptoj hallin tuaj të madh për të mbajtur familjet tuaja, por duhet pak protestë edhe nga ana juaj. Të dalë një polic, e le të thotë: Unë jam me popullin! Zotërinj, betimin e keni bërë për të mbrojtur atdheun dhe popullin... jo për të mbrojtur këtë hajdutin!!!”, theksoi aktori./ CNA





Lajmet e fundit nga