E fundit!

15:38 Aktualitet

Goditi protestuesin në Zvërnec/ Ndryshon masa e sigurisë për një nga punonjësit e sigurisë së kantierit

Gjykata e Apelit ka ndryshuar masën e sigurisë për një ng...

Arsyeja pse Bujar Spahiu mungonte në hapjen e Xhamisë së Namazgjasë

10 Tetor 2024, 22:57, Aktualitet CNA

Arsyeja pse Bujar Spahiu mungonte në hapjen e Xhamisë së

Ditën e sotme presidenti i Turqisë Recep Tayyip Erdogan vizitoi vendin tonë, ku pjesë e agjendës së tij ishte edhe inagurmi i Xhamisë së Madhe të Tiranës.

Ajo që ra në sy ishte fakti se drejtuesi i Komunitetit Mysliman Shqiptar nuk ishte i pranishëm në këtë ngjarje shumë të rëndësishme për besimtarët myslimanë dhe se KMSH-ja përfaqësohej nga Myftiu i Tiranës, Gazment Teqja.

I ftuar në emisionin “Opinion”, Myftiu i Tiranës, Gazment Teqja tha se Kreu i Komunitetit Mysliman Shqiptar mungonte se ishte jashtë vendit.

“Sot kryetari i Komunitetit Mysliman nuk ka qenë në Shqipëri, ka qenë në udhëtim në dijeninë time. Më kanë caktuar mua si myftiu i Tiranës brenda të gjitha rregullave sepse myftiu i Tiranës është ai që menaxhon dhe kontrollon aktivitetin fetar dhe të gjithë kultet në rrethin e Tiranës. Nga ana e rregullores, mua më takon që ta menaxhoj, -tha ai.

Në një dalje televizive nënkryetari i Komunitetit Mysliman të Shqipërisë, Taulant Bica tha se vendimi që KMSH-ja të përfaqësohej në nivel myftiu nga Gazment Teqja ishte Kryesisë së institucionit, nisur nga ngërçet që ka patur nga ana turke për vonesat në hapjen e Xhamisë së Namazgjasë

“Na ka ardhur një ftesë, dhe është marrë në konsideratë dhe është diskutuar në kryesinë e KMSH. Si përfundim kemi arrit në konkluzionin që KMSH të përfaqësohet nga Myftiu i Tiranës, i cili do të jetë dhe kryetari i bordit të këtij fonacioni që do të menaxhojë.

Është vendim i yni, ftesa erdhi nga pala shqiptare. Është një praktikë që është bërë edhe në raste të tjera, ku komuniteti përfaqësohet nga anëtarë. Në rast konkret është lënë të përfaqësohet në rang myftiu dhe që është Kryemyftiu i Tiranës”, -tha Bica./ CNA