web counter
LEXO PA REKLAMA!

SHKARKO APP

App Store
Google Play

E fundit!

x

Një palaço nëpër dogana

10 Tetor 2024, 11:13, Aktualitet CNA
Një palaço nëpër dogana
Drejtoria e Doganave

Që doganat janë hambar me hajdutë kjo dihet, por që tani janë kthyer edhe në vendstrehime për palaço, këtë po e mësojmë së fundi.

CNA ka filluar një investigim në lidhje me transportin e mbetjeve toksike nga Shqipëria drejt vendeve të Azisë.

Pati shumë zhurmë, debate, përplasje politike, akuza e kështu me radhë, por për të mos qenë pjesë e tyre, duke dalë mbi palët, për të thënë të vërtetën që i intereson publikut, ne filluam një investigim.

Ne ndoqëm këshillën e kryeministrit, që na sugjeron të pyesim institucionet dhe ne kështu bëmë.

Në datën 8 shtator i kemi dërguar shkresë zyrtare Drejtorisë së Përgjithshme të Doganave, jo për të mësuar se si është mashtruar ndonjë shtetas turk për t’i dhënë pasaportë shqiptare apo për hajdutëritë që ndodhin 24 orë në dogana, këto tashmë dihen, i di edhe Gent Gazheli mirë, një nga personazhet e bëmave dhe gjëmave të mëdha, pavarësisht se është futur në strofullën e doganave dhe blen influencë për të mos pasur shqetësime mediatike dhe raportime.

Një palaço nëpër dogana
Gent Gazheli, drejtori i përgjithshëm i Doganave

Informacioni i kërkuar doganave

Në zbatim të ligjit i nisëm një shkresë Drejtorisë së Doganave, siç e shikoni edhe më poshtë, por ky institucion i mbushur me rrugaçë dhe të paaftë, me hajdutë dhe të korruptuar nuk na ktheu përgjigje.

Një palaço nëpër dogana
Shkresa e parë, drejtuar Drejtorisë së Doganave

Për gati 3 javë nuk morëm përgjigje dhe në datën 28 shtator i nisëm shkresën e dytë për dijeni dhe Komisionerit për të Drejtën e Informimit, për të marrë një informacion.

Një palaço nëpër dogana
Shkresa e dytë, drejtuar Drejtorisë së Doganave
Një palaço nëpër dogana
Shkresa e dytë, drejtuar Drejtorisë së Doganave

Ne nisëm një investigim të thjeshtë dhe jo vetëm me doganat, në disa institucione përgjegjëse në lidhje me atë që kishte ndodhur, për t’u thënë të vërtetën shqiptarëve dhe të parëve iu drejtuam institucioneve për të pasur një informacion të saktë zyrtar dhe për të mos mbetur tek akuzat politike dhe te thashethemet.

Herën e parë nuk na kthyen përgjigje, çka na ngriti dyshime, pse vonohet përgjigjja, cila është arsyeja që nuk na e thonë të vërtetën?

Ne kishim bërë pyetje të thjeshta: Çfarë mbetjesh janë? A hynë apo nuk hynë në Shqipëri?

Në rast se nuk kanë hyrë, është e thjeshtë, mund të thoshin se në Shqipëri nuk kanë hyrë mbetje të tilla.

Në rast se kanë dalë pasi janë mbetje të prodhuara nga kompani shqiptare, përgjigjja do të ishte kanë dalë kaq, në kaq kohë, është shumë e thjeshtë. Kanë dalë nga Durrësi, kanë dalë nga Vlora, mund të kenë dalë nga Rinasi.

Prandaj na bëri çudi se pyetjeve tona të thjeshta dogana nuk u dha përgjigje. Por pasi iu drejtuam Komisionerit për të Drejtën e Informimit dhe në momentin kur morën letrën e dytë dhe kuptuan se dikush do të gjobitej dhe çështja do të shkonte në gjykatë, na erdhi një përgjigje.

Një palaço nëpër dogana

Përgjigjen na e dha Elvis Sejdiaj, një zyrtaruc i doganave që mbulon mediat, quhet koordinator i mediave. Kur na erdhi përgjigja dhe na kontaktoi, kuptohet që na bëri dalje, “ne punojmë me kode doganore”.

Një palaço nëpër dogana
Drejtoria e Doganave

Sipas zotërisë, gazetarët duhet të dinë kodet e mbetjeve të mirëcaktuara, duhet të kenë bërë shkollë doganash, këtë shkollën e hajdutëve të ushtarëve të Gent Gazhelit apo të shitjes së shtetësisë shqiptare shtetasve turq që të marrin një përgjigje nga doganat.

Kur më pas e telefonon koordinatorin e medias së doganave dhe e sqaron se ka një Kushtetutë, neni 23, pika 1, ka një ligj për të drejtën e informimit dhe gazetarët po bëjnë pyetje të thjeshta, a kanë hyrë mbetje të rrezikshme në Shqipëri dhe a kanë dalë mbetje të rrezikshme nga Shqipëria.

Ndërsa koordinatori i medias na thotë gjeni kodet ose sa kode të ndryshme janë. Është njësoj si ta pyesësh sa litra birrë hyjnë në Shqipëri në një vit dhe ai të thotë birrat janë të llojeve të ndryshme. Patjetër që birrat janë të llojeve të ndryshme. Ne po themi birrë, nuk ka rëndësi e çfarë lloji është.

Një palaço nëpër dogana
Anije duke transportuar mallra, foto ilustruese

Ne po themi mbetje toksike, mbetje të rrezikshme nuk ka rëndësi sa lloje janë për ne, ne duam një sasi totale. Kodet janë punë e doganave, nuk janë punë e mediave, por kur strehon palaço që të merren me mediat dhe jo gazetarë me eksperiencë të cilët dinë të argumentojnë, dinë të kthejnë një përgjigje zyrtare, atëherë kështu ndodh, marrin eksperiencën e gazhelëve, hajdutëve të doganave e kështu me radhë.

Gjithsesi, ne nuk do të heqim dorë nga investigimi ynë, fakti që morëm këtë lloj përgjigje pa përgjigje për të fshehur të vërtetën tregon se sërish jemi në rrugën e duhur, se kemi të bëjmë me një skandal dhe një aferë shumë të madhe pas së cilës qëndrojnë edhe vetë doganat, që fshehin shifrat dhe nuk japin të dhënat e vërteta në lidhje me mbetjet e rrezikshme që kanë dalë nga Shqipëria./ CNA





Lajmet e fundit nga