web counter
LEXO PA REKLAMA!

SHKARKO APP

App Store
Google Play

E fundit!

x

Mbetjet toksike/ Drejtoria e Doganave: Janë eksport nga Kosova, Shqipëria ishte transit

21 Gusht 2024, 15:00, Aktualitet CNA
Mbetjet toksike/ Drejtoria e Doganave: Janë eksport nga Kosova,
Foto ilustruese

Drejtoria e Doganave ka reaguar në lidhje me mbetjet toksike të nisura nga Porti i Durrësit drejt Tajlandës.

Drejtoria e Doganave deklaron se anijet me mbetje nuk janë nisur nga Shqipëria, por janë transit ndërkombëtar i produktit koncentrat zinku nga Kosova.

Sipas saj, koncentrati i zinkut është me origjinë nga Kosova dhe niset nga firma “Apelbaum sh.p.k.”. Sa i përket destinacionit përfundimtar, sipas “Doganave”, pritësi i mbetjeve është firma “ACHRO AG”.

“Nisur nga informacionet disinformuese që po shpërndahen prej ditësh në media dhe po përdoren për arsye politike dhe për baltosjen e punës së Administratës Doganore Shqiptare, sqarojmë si vijon:

Rasti i cituar nga media nuk është eksport nga Shqipëria por një tranzit ndërkombëtar i produktit koncentrat zinku nga Kosova. Pra, produkti është koncentrat zinku me origjinë nga Kosova me firmë dërguese/eksportuese Apelbaum shpk me adresë Rr. Fehmi Agani, Prishtinë/Kosovë; Firma pritëse/importuese është ACHRO AG me bazë në Steinhausen Sëitzerland.

Firma zvicerane ACHRO AG është urdhëruese sipas BILL OF LOADING (B/L) e kompanisë detare MAERSK për transportin e këtij produkti (LOË GRADE ZINC CONCENTRATE) me destinacion firmën pritëse GUANGXI LOGISTICS INDUSTRY INTERNATIONAL TRADE CO. LTD, NANNING, China.

Sa më sipër ritheksojmë se:

• Nuk është produkt me origjinë nga Republika e Shqipërisë;

• Nuk është eksport nga Shqipëria por një tranzit ndërkombëtar ndërmjet një firme nga Kosova dhe një firme zvicerane pa përfshirjen e asnjë firme nga Shqipëria.

ADSH si në rastet e mëparshëm por edhe në këtë rast, po shkëmben informacion intensiv si dhe po bashkëpunon ngushtë në hetim të përbashkët me OLAF (Zyrën e Luftës kundër Mashtrimeve të BE-së) si dhe organizma të tjera ligj-zbatues”, deklaron Drejtoria e Doganave./ CNA

Mbetjet toksike/ Drejtoria e Doganave: Janë eksport nga Kosova,





Lajmet e fundit nga