E fundit!

08:01 Kosova & Bota

Ari bie pavarësisht inflacionit të lartë në SHBA, ekspertët shpjegojnë arsyet

Ari po shkon drejt muajit të katërt radhazi në rënie, pava...

Në fokus, bandat e kontrabandës/ Britania prezanton masa të reja kundër emigracionit të paligjshëm

21 Gusht 2024, 14:00, Aktualitet CNA

Në fokus, bandat e kontrabandës/ Britania prezanton masa të reja

Foto ilustruese

Qeveria britanike ka bërë publike disa masa të reja për të luftuar emigracionin e paligjshëm, ku në fokus sot të jenë bandat e kontrabandës si dhe rritja e depërtimeve. Sekretarja e Brendshme do të zgjerojë qendrat e paraburgimit të emigracionit si pjesë e një plani për të larguar më shumë se 14,500 emigrantë të paligjshëm në gjashtë muajt e ardhshëm. Kjo është një normë më e lartë se në çdo kohë që nga viti 2018, kur Theresa May ishte kryeministre.

Pothuajse çdo ditë, emigrantët dhe azilkërkuesit mbërrijnë përtej Kanalit në brigjet e Britanisë. Që kur qeveria e re laburiste mori detyrën më 5 korrik, më shumë se 5700 njerëz kanë arritur në Britani nëpërmjet kësaj rruge detare.

Gati 300 vende shtesë do të krijohen në dy qendra të diskutueshme të largimit të emigracionit, ku emigrantët e paligjshëm dhe kriminelët do të qëndrojnë përpara se të deportohen. Rreth 300 punonjës të çështjeve të Home Office tashmë janë rivendosur që nga zgjedhjet për të gjurmuar, ndaluar dhe kthyer emigrantët e paligjshëm, shkuan "The Telegraph”.

Deri në 100 oficerë të rinj specialistë të inteligjencës dhe hetimeve po rekrutohen gjithashtu në Agjencinë Kombëtare të Krimit (NCA) për të punuar me agjencitë evropiane në shënjestrimin e bandave të kontrabandës me njerëz.

Planet e njoftuara së fundmi do të shihen si një përpjekje për të kundërshtuar kritikat se shpartallimi i skemës së dëbimit të Ruandës, e ka lënë Mbretërinë e Bashkuar pa një pengesë për të luftuar kalimet me varka të vogla. Lufta kundër emigracionit të paligjshëm ishte një nga çështjet që dominoi fushatën zgjedhore për zgjedhjet e përgjithshme të 4 korrikut, ku Partia Laburiste u kthye në pushtet në Britani pas 14 vitesh./ CNA

Një nga masat e para të paralajmëruara nga kryeministri i ri i vendit, Keir Starmer, ishte anulimi i “planit të Ruandës”, i cili ishte miratuar nga qeveria e mëparshme dhe që parashikonte deportimin e emigrantëve të parregullt në këtë vend afrikan.