web counter
LEXO PA REKLAMA!

SHKARKO APP

App Store
Google Play

E fundit!

x

Detaje të reja/ Si u zbuluan kontejnerët me mbetje toksike

2 Shtator 2024, 21:34, Aktualitet CNA

Detaje të reja/ Si u zbuluan kontejnerët me mbetje toksike

Drejtori ekzekutiv i Rrjetit të Baselit, Jim Puckett, ka treguar detaje të reja se si u zbuluan kontejnerët me mbetje toksike, të nisura nga Porti i Durrësit drejt Tajlandës dhe Kinës.

Puckett tha në emisionin e Erla Mëhillit se gjithçka nisi nga denoncimi i një informatori anonim.

Pas denoncimit u siguruan foto dhe prova të ngarkesave në Kinë, të cilat kishin më shumë se 8% plumb.

Ai deklaroi se mbetjet janë prodhuar nga pluhuri i furrës dhe cilësohen si mbetje toksike sipas Konventës së Baselit.

“Ne na u dha ky informacion nga një informator që kishte frikë t’i shprehte botës se kush është. Ishim të kujdesshëm për ta verifikuar informacionin, morëm foto të ngarkesave dhe prova të ngarkesave të kaluara drejt Kinës që u bllokuan nga kinezët në prill. Ne zbuluam të njëjtën kontejnerë që po ngarkoheshin në portin e Durrësit me një material me ngjyrë kafe. Ai material u analizua nga kinezët që kishte më shumë se 8% të plumbit, që e bën atë një mbetje të rrezikshme. Të gjitha shifrat e dërguara nga informatorët na treguan për një problematikë të vërtet, edhe pse këta 102 kontejnerë që ne kërkuam të kthehen nuk janë analizuar. Jemi 95% të sigurt se janë mbetje të prodhuara nga industria, nga pluhuri i furrës, mbetje toksike sipas Konventës së Baselit. Nuk jemi plotësisht të sigurt për materialin. Për mua është e jashtëzakonshme që e keni atë material në portin e Durrësit dhe e lini të hapur, nuk mund të lini një material të tillë të hapur. Pa ditur askush se çfarë përmban, rreziqet nëse bie shi, nëse fryn era që mund të përhapë këtë material. Pamë foto të mënyrës si po ngarkoheshin, me një traktor për t’i sjellë brenda kontejnerin, nuk ishin të vulosura”, theksoi drejtori ekzekutiv i Rrjetit të Baselit./ CNA





Lajmet e fundit nga