E fundit!

09:23 Aktualitet

Shqipëria avancon në negociatat me BE-në, sot hap i ri drejt integrimit europian

Shqipëria shënon një tjetër moment të rëndësishëm në rrugë...

Drejtori i Veliajt, 3 orë në SPAK: U pyeta për dosjen “5D”

9 Tetor 2024, 20:15, Aktualitet CNA

Drejtori i Veliajt, 3 orë në SPAK: U pyeta për dosjen

Drejtori i Erion Veliajt, Elton Kacidhja, i cili drejton Ujësjellësin e Kanalizimeve Tiranë, është thirrur sot në SPAK ku ka qëndruar për rreth 3 orë.

I kontaktuar nga Syri Tv, Kacidhja është shprehur se është pyetur në Prokurorinë e Posaçme si person në dijeni në lidhje me dosjen “5D”.

Kacidhja ka thënë se deklarimet i janë kërkuar si person në dijeni të rrethanave për çështje që po hetohen nga SPAK.

Ujësjellësi i Tiranës ka qenë një nga institucionet më të përfolura dhe të akuzuara që shkojnë deri te dhënia e tenderëve me vlerë miliona euro për kompanitë e lidhura me inceneratorët.

Gjykata e Posaçme e Apelit ka kërkuar që të shtrihen hetimet më tej pas arrestimit të Mariglen Qatos dhe Redi Mollës.

Drejtorët e kryebashkiakut të Tiranës, Erion Veliaj, Taulant Tusha, Redi Molla dhe Mariglen Qato janë një grup i strukturuar kriminal. Kështu janë konsideruar drejtorët e Veliajt nga Gjykata e Posaçme e Apelit.

Gjiithashtu, Apeli i GJKKO-së theksonte në vendim se bashkëpunimi i Mollës, Qatos, Tushes dhe zyrtarëve të tjerë nën hetim ishte kryer në formën e grupit të strukturuar kriminal.

“Gjykata ndan pikëpamje të ndryshme nga SPAK dhe Shkalla e Parë lidhur me kualifikimin juridik të faktit penal të bashkëpunimit i cili i kundrejtohet Redi Mollës dhe Mariglen Qatos, duke e kualifikuar sakaq bashkëpunimin e tyre, me personat e tjerë të proceduar apo jo eventualisht përgjegjës, persona fizikë apo persona juridikë, si bashkëpunim penal i posaçëm, dhe i kryer në formën e grupit të strukturuar kriminal. Nën këtë logjikë, Gjykata vlerëson se edhe kualifikimi juridik i dyshimeve të arsyeshme të kundrejtuara ndaj Nestor Muhametllari, sipas nenit 244 të Kodit Penal, është i gabuar, pasi ai dyshohet arsyeshëm se është bashkëpunëtori-mëkëmbës dhe ndërmjetës i Redi Mollës dhe Mariglen Qatos në veprimtarinë e shoqërisë 5D konstruksion shpk”, theksohej më tej.