web counter
LEXO PA REKLAMA!

SHKARKO APP

App Store
Google Play

E fundit!

x

"Telenovelë politike"/ Rama: Mbetjet e eksportuara, jotoksike

12 Shtator 2024, 10:43, Politikë CNA
"Telenovelë politike"/ Rama: Mbetjet e eksportuara, jotoksike
Kryeministri Edi Rama

Kryeministri Edi Rama, gjatë interpelancës në Kuvend me Gazment Bardhin, i cilësoi denoncimet për mbetjet toksike si një telenovelë politike.

Rama tha se deri më tani autoritetet e huaja kanë pasur vetëm dyshime dhe asgjë të vërtetuar.

Ai deklaroi se autoritetet po hetojnë për ngjarjen, ndërsa pretendoi se ngarkesa e nisur drejt Kinës dhe Tajlandës ka qenë me certifikatë analize.

“Burimi i kësaj telenovele politike që u shfaq paralelisht me atë të ngjarjes së Pogradecit, ku një i vrarë u bë mish i grirë i tellallëve të saj ishte një sinjalizim për një transport mbetjesh.

Vetë organizata joqeveritare që i referoheni shprehet se ka dyshime për mundësinë që një sasi mallrash të nxjerra për t'u transportuar drejt vendeve të Azisë janë të rrezikshme, pra dyshime, asgjë e vërtetuar, asnjë provë e faktuar ende, por deri tani dyshime. Këto dyshime i kam konsideruar me vullnetin për të hetuar me organet evropiane. Ndërkohë që prokuroria shqiptare dhe OLAF vazhdojnë të hetojnë goja e politikës ka ngritur akuza.

Unë kam kohë që nuk merrem me akuzat dhe me tellallët.

A është kryer eksport i mbetjeve të rrezikshme? Sipas të dhënave publike në çdo deklaratë e dokument të paraqitur nga privatët, është e qartë se eksporti i mallrave në fjalë nuk është eksport i mbetjeve të rrezikshme.

Pika doganore ka të bashkëngjitur certifikatën e analizës së mallit nga vendet evropiane. Në të dyja rastet, eksporti i mallrave, mallrat e deklaruara si okside hidrokside hekuri, janë eksportuar me të gjithë dokumentacionin përkatës përmes linjave kontinerike përkatëse. Janë magazinuar përkohësisht në vet e BE ku askush nuk i ka penguar.
Më pas janë lejuar të vijojnë intenerarin.

Mallra me klasifikim të tillë nuk konsiderohen mbetje të rrezikshme as në katalogët evropianë. Aludimi për mosveprim është në rastin më të mirë alogjik ose në rastin më të keq, aludim psiko-patologjik”, deklaroi kryeministri./ CNA





Lajmet e fundit nga