web counter
LEXO PA REKLAMA!

SHKARKO APP

App Store
Google Play

Çështja “Partizani”/ Berisha: Privatizimi filloi gjatë qeverisjes së Fatos Nanos

11 Shtator 2024, 20:39, Politikë CNA
Çështja “Partizani”/ Berisha: Privatizimi filloi
Kreu i PD-së, Sali Berisha

Kreu i PD-së, Sali Berisha ka deklaruar se, privatizimi nuk është filluar nga Sali Berisha dhe qeveria e tij, por është nisur nga qeveria e Fatos Nanos me firmat e ministrave Anastas Angjeli, Klosit dhe të tjerë.

Sipas liderit të opozitës meqenëse aty janë firmat e ministrave socialistë, shkruajnë se procesi i privatizimit filloi në vitin 1995, duke mos thënë se filloi nga qeveria socialiste, në mënyrë që të akuzojnë Berishën.

“Meqenëse në dhjetëra e dhjetëra dokumente nga viti 1995 gjer në vitin 2009 që ka përfunduar procesi i njohjes, kthimit, parablerjes së objekteve, të tokës së grabitur, konfiskuar nga regjimi komunist 5 familjeve të Tiranës, për koincidencë, jo për ligj, nuk ekziston asnjë firmë e Sali Berishës.

Çfarë kanë bërë këta horra?

Çfarë kanë bërë këta fundërrina njerëzore që marrin 1 milion euro për pyetje që nuk i bëjnë për vrasje Ymer Lalës, që ndërtojnë vila me paratë e krimit, që si hiena kalojnë nga një zyrë në një tjetër duke marrë peng gjykatës, prokurorë, zyrtarë dhe të tjerë, çfarë kanë bërë?

Meqenëse privatizimi nuk është filluar nga Sali Berisha dhe qeveria e tij, jo, privatizimi i klubit Partizani është nisur nga qeveria e Fatos Nanos me firmat e ministrave Angjeli, Klosi dhe të tjerë.

Mirëpo ligji, neni 7 i ligjit të kthimit të pronave, përcaktonte se propozimi i ndryshimit të pronësisë të një prone publike apo shtetërore, se janë të ndryshme këto, detyron që pronën t’ia kthesh automatikisht të shpronësuarit.

Këta zotërinj nisën procesin e privatizimit. Në këtë moment në mënyrë automatike, toka kalonte tek ish-pronarët legjitimë.

Tani, meqenëse aty janë firmat e ministrave socialistë, dëgjoni këta mashtrues ordinerë, këta të pafytyrë që nder nuk kanë, që turpërojnë të gjallë dhe të vdekur me poshtërsitë e tyre, shkruajnë se procesi i privatizimit filloi në vitin 1995, pikërisht filloi nga qeveria socialiste, por këtë nuk e thonë, në mënyrë që të thonë se filloi me Sali Berishën.

Ky është Altin Dumani, ky llum njerëzor, ky kriminel që heq sekuestron mbi pronat e vrasësve, kundrejt milionave që merr.

Që nuk pyet vrasësin e denoncuar për vrasje, Ymer Lalën, vetëm për ta amnistuar për vrasjen e tij.

Ky është Kraja i Sigurimit të Shtetit, ky faqezi fundërrinë.

Kjo është Millonai, kjo ndrikull krimi e bandës së Elbasanit.

Kjo është drejtësia e re e Xhorxh Sorosit, e mafies së tij, që mashtron shqiptarët, që poshtëron shqiptarët”, tha Berisha. / CNA 





Lajmet e fundit nga