web counter
LEXO PA REKLAMA!

SHKARKO APP

App Store
Google Play

“Dokumenti që m’u paraqit, një piramidë mashtrimi”/ Berisha: Rama dhe Sorosi krijuan një drejtësi monstër

11 Shtator 2024, 20:32, Politikë CNA
“Dokumenti që m’u paraqit, një piramidë
Kreu i PD-së Sali Berisha

Kreu i PD-së Sali Berisha ka folur për akuzat për të cilat SPAK e mori të pandehur.

Gjatë fjalës së tij, në tubim, Berisha u shpreh se, dokumenti që ata kanë shkruar është një piramidë mashtrimi.

Sipas Berishës dokumenti tregonte se Edi Rama dhe ata që ndihmuan, që kryen reformën e George Sorosit, iu dhanë shqiptarëve një monstër që nuk e kanë pasur kurrë të tillë nga ditët më të zeza të diktaturës.

“Sot unë në zyrat e krimit, në zyrat e krimit të narkoshtetit, u deklarova mercenarëve, grupit të strukturuar kriminal Dumani-Damani, njëqind herë më i mirë Nuredini se Altini, Krajës dhe Mellonait, ish-oficerit të Sigurimit të Shtetit dhe ndrikullës së bandave, motrës sibiologjike të Taulantit me shumë mbiemra, se dokumenti juaj është një piramidë mashtrimi.

Të dashur qytetarë dhe qytetare, dokumenti që ata kanë shkruajtur për katër vite tejkalon çdo imagjinatë në poshtërsinë, në mashtrimin, në falsifikimin, në vetëposhtërimin e njeriut.

Ai dokument tregon se Edi Rama dhe ata që ndihmuan, që kryen reformën e Xhorxh Sorosit, iu dhanë shqiptarëve një monstër që nuk e kanë pasur kurrë të tillë nga ditët më të zeza të diktaturës.

Krijuan te shqiptarët një grup të strukturuar kriminal, një organizatë kriminale që nuk njeh asnjë ligj, asnjë moral, asnjë Kushtetutë, asnjë normë njerëzore, por i kapur kokë e këmbë me krimin është i aftë me dorën e zezë të shkruajë çdo gjë, të vjedhë çdo gjë, të mbulojë çdo gjë, të rrëmbejë çdo gjë”, u shpreh Berisha./ CNA





Lajmet e fundit nga