web counter
LEXO PA REKLAMA!

SHKARKO APP

App Store
Google Play

E fundit!

x

Mbetjet toksike/ Bardhi i "kërkon llogari" Ramës: Kush mban përgjegjësi?

12 Shtator 2024, 10:37, Politikë CNA
Mbetjet toksike/ Bardhi i "kërkon llogari" Ramës: Kush mban
Kreu i Grupit Parlamentar të PD-së, Gazment Bardhi

Kreu i Grupit Parlamentar të PD-së, Gazment Bardhi, denoncoi në Kuvend çështjen e mbetjeve toksike që janë dërguar drejt Kinës dhe Tajlandës dhe po kthehen në portin e Durrësit.

Në interpelancën me kryeministrin Edi Rama, Bardhi tha se ka dyshime serioze se Shqipëria ka shkelur konventën e Bazelit.

Ai deklaroi se në rastin e mbetjeve të rrezikshme kemi të bëjmë me një aktivitet kriminal.

Kreu i Grupit Parlamentar të PD-së kërkoi të dijë se kush i ka lejuar mbetjet të dalin nga porti i Durrësit dhe kush duhet të mbajë përgjegjësi.

“Në 8 gusht 2024, 3 organizata denoncuan faktin se dy anije të nisura nga Porti i Durrësit po transportonin mbetje të rrezikshme drejt Tajlandës. Kur kjo e fundit mësoi se anijet ishin nisur nga porti i Durrësit, refuzoi që t’i pranojë.

Aktualisht sipas informacioneve publike, 2 anijet, po kthehen në portin e Durrësit. Organizata amerikane janë shprehur për media prestigjioze se është e bindur se Porti i Durrësit është shfrytëzuar për të nxjerrë në mënyrë të paligjshme, mbetje të rrezikshme helmuese në disa vende aziatike.

Është transportuar një material që del nga oxhaqet e fabrikave metalurgjike. Dërgesa të kësaj natyre sipas informacioneve bëhen rregullisht nga porti i Durrësit. Hiri i transportuar i takon 'Sokolaj' Sh.p.k., e licencuar nga kjo kompani dhe mbetjet e i përkasin 'Kurum'-it.

Po nga porti i Durrësit janë nisur disa tonë mbetje të rrezikshme dhe pritet të kthehen mbrapsht. Lidhur me këtë çështje ka pasur disa reagime të institucioneve përgjegjëse. Ka dyshime serioze se Shqipëria ka shkelur konventën e Bazelit, që rregullon tregtinë e vendeve të rrezikshme. Vende si Shqipëria nuk lejohet të transportojnë mbetje të rrezikshme. Kjo tregon se nuk kemi të bëjmë me një ngjarje të izoluar, por me një aktivitet kriminal.

Si janë lejuar të eksportohen nga Porti i Durrësit. Kush i ka lejuar të dalin nga porti i Durrësit. Për këtë duhet të përgjigjet kreu i aktivitetit të kontrabandës”, theksoi Bardhi./ CNA





Lajmet e fundit nga