web counter
LEXO PA REKLAMA!

SHKARKO APP

App Store
Google Play

Bardhi ironizon Ramën dhe Spiropalin/ “Me ju atje sipër, i duket vetja Skënderbe”

12 Shtator 2024, 10:26, Politikë CNA
Bardhi ironizon Ramën dhe Spiropalin/ “Me ju atje sipër, i duket
Kreu i Grupit Parlamentar të PD-së, Gazment Bardhi

Kreu i Grupit Parlamentar të PD-së, Gazment Bardhi, ironizoi kryeministrin Edi Rama dhe kryeparlamentaren Elisa Spiropali në seancë plenare.

Bardhi tha se Rama pranoi më në fund të zhvillonte një interpelancë me opozitën.

Ai deklaroi se me Elisën si kryeparlamentare, Ramës i duket vetja Skënderbe.

“Neni ishte i zbatueshëm edhe kur ne kërkuam interpelancë për dyshimet për përfshirje e vëllait të kryeministrit me laboratorin e Xibrakës, ishte i zbatueshëm edhe kur ne kërkuam interpelancë për dyshimet për korruptimin nga Edi Rama të ish-agjentit të FBI McGonigal, ishte i zbatueshëm edhe kur ne kërkuam të na sqaronte se si e kishte përzgjedhur trafikantin e drogës Kol Dea si këshilltar të tij personal, ishte e zbatueshme ajo dispozitë edhe kur ne kërkuam që Edi Rama të na jepte shpjegime investigimin e 'RAI 3', se kishte caktuar si përfaqësues në sindikatën e krimit të organizuar një individ që quhej Ergys Agasi. Në asnjë nga ato raste Edi Rama nuk gjeti guximin për të ardhur në interpelancë. Më vjen mirë, që me ju atje sipër, mesa duket i duket vetja Skënderbe dhe ka ardhur në interpelancë dhe të mos i fshihet opozitës dhe opinionit publik”, theksoi Bardhi./ CNA





Lajmet e fundit nga