web counter
LEXO PA REKLAMA!

SHKARKO APP

App Store
Google Play

E fundit!

x

Erdogan jep lajmin/ Turqia, trajnime ushtarake dhe armë për Shqipërinë

10 Tetor 2024, 14:42, Aktualitet CNA

Erdogan jep lajmin/ Turqia, trajnime ushtarake dhe armë për

Turqia do të bëjë trajnime dhe do të japë mbështetje me pajisje ushtarake për Forcat e Armatosura të Shqipërisë.

Këtë e bëri të ditur Presidenti i Turqisë, Recep Tayyip Erdogan, në konferencën e përbashkët me kryeministrin Edi Rama.

“Vitin e kaluar festuam 100 vjet e vendosjes së marrëdhënieve diplomatike me Shqipërinë. Marrëdhëniet tona miq me Shqipërinë, të forcuara nga lidhjet historike dhe afërsia kulturore, shtrihen përtej një shekulli. I shohim nismat në fushën e tregtisë dhe investimeve si hapa që do rrisin mirëqenien e popujve, vazhdojmë përpjekjet për të rritur vëllimin tregtar në 2 mld dollarë në fazën e parë. Ramë dakord të diversifikojmë investimet e ndërsjella duke përfshirë sektorë novatorë. Do vazhdojmë bashkëpunimin në fushën e mjekësisë. Ne do të ofrojmë mbështetjen për të përmirësuar nevojat e FA, për partnerin tonë strategjik dhe aleatin tonë të NATO-s në fushën e trajnimeve ushtarake dhe pajisjeve ushtarake", tha Erdogan. 

Të njëjtën gjë e konfirmoi edhe kryeministri Rama.

"E çmoj dhuratën e presidentit Erdogan në këto kohë të trazuara ku bota ka marrë një drejtim të çuditshëm për ta thënë me një fjalë të butë, për t’i dhënë ushtrisë së Shqipërisë, një numër të konsiderueshëm dronësh kamikazë. Dhuratë që s’duhet të shqetësojë askënd se kë do godasë Shqipëria, por besoj se është një dhuratë që përmbledh brenda një mesazh të qartë të Turqisë në raport me këtë marrëdhënie, që Shqipëria është e pagoditshme", deklaroi kreu i qeverisë./ CNA





Lajmet e fundit nga