web counter
LEXO PA REKLAMA!

SHKARKO APP

App Store
Google Play

VIDEO-Rama publikon pamjet nga kantieri i ndërtimit të aksit Qukës-Qafë Plloçë

4 Tetor 2023, 08:19, Aktualitet CNA
VIDEO-Rama publikon pamjet nga kantieri i ndërtimit të aksit
Foto ilustruese

Kryeministri Edi Rama e ka nisur mëngjesin e sotëm duke publikuar pamje nga kantieri i ndërtimit në lotin 3 të aksit Qukës-Qafë Plloçë.

Ky segment do të shkurtojë distancën Korçë-Tiranë.

“MIRËMËNGJES dhe nga puna e përditshme në lotin 3 të aksit Qukës - Qafë Plloçë, një segment panoramik që shkurton distancën Korçë -Tiranë,  duke kaluar përmes bukurive të Mokrës, ju uroj një ditë të mbarë”, shkruan Rama.

Aksi Qukës-Qafë Plloçë është një projekt që ka zgjatur një dekadë. Një investim që ka filluar në vitin 2013, por i lënë pas dore dhe bllokuar edhe për shkak të mungesës së financimit.

Prej pak muajsh pas sigurimit të financimit nga partnerët ndërkombëtarë dhe qeveria shqiptare në sezonin e verës kanë filluar punimet me ritme të larta në të tria lotet e rrugës nacionale Qukës-Qafë Plloçë.

Sot ritmet e punimeve, sidomos në lotin e 3-të, në aksin Qukës-Qafë Plloçë janë me ritme shumë të larta.

Një investim, i cili duket duket se tashmë po ecën me ritmet e duhura dhe shumë shpejt Korça dhe Tirana do të kenë një lidhje edhe më të shkutër pas përfundimit të tunelit Tiranë-Elbasan dhe fillimit të investimit të rrugës Elbasan-Qafë Thanë.

Aksi Qukës-Qafë Plloçë e afron qytetin e Korçës jo më shumë se 120 kilometra nga kryeqyteti. Pra, me ritmet e reja të lëvizjes së mjeteve dhe përfundimin e rrugës distanca Korçë-Tiranë pretendohet se do të kryhet për jo më shumë se 1 orë e 30 minuta./ CNA





Lajmet e fundit nga