E fundit!

13:05 Aktualitet

Kallëzohet në SPAK Edi Rama

Grupi Parlamentar i PD-së kallëzon në SPAK Edi Ramën për v...

"Je papagall..."/ Andi Bushati, "përplaset keq" me Klodiana Lalën

24 Tetor 2024, 22:01, Aktualitet CNA

Andi Bushati

Një debat i ashpër ka ndodhur mes gazetares Klodiana Lala dhe analistit Andi Bushati në lidhje me arrestimin e kreut të PL-së, Ilir Meta.

Bushati deklaroi se Lala po bën papagallin e SPAK-ut, ndërsa gazetarja e quajti papagall të Metës.

Analisti deklaroi se gazetarja po gënjen, por kjo u kundërshtua nga Klodiana Lala.

Pjesë nga debati në MCN:

Bushati: Kjo quhet të bësh papagallin e SPAK, kjo që bën ti!

Lala: Ti bën papagallin e Ilir Metës!

Bushati: Të bësh papagallin e SPAK, të gënjesh se kjo nuk është në dosje. Po gënjen për vilën! Nëse gënjen për llogari të SPAK, bravo. Gënje për llogari të atyre banditëve.

Lala: Po kush e tha që ka marrë vilë?

Kejdi Mehmetaj: Na ofenduat, na thatë nuk jeni përgatitur.

Bushati: Nuk është burgosur Klodi Lala, por Ilir Meta.

Lala: Papagallin ta mbajë për vete.

Bushati: Gënjeve për llogari të SPAK. Më trego në dosje. Gënjeve për llogari të SPAK, bravo të qoftë. Turp të bësh papagallin e atyre banditëve!

Lala: Ka një argument të SPAK që në këmbim të ligjit është premtuar një vilë që nuk është marrë nga zonja Kryemadhi dhe Meta. Bushatit i duket papagall i SPAK. Mua më duket Bushati papagall i Berishës dhe Metës. Kryemadhi ka thënë kam patur interes të porosis të një ndërtim të Ambassador 3. Kam rënë dakord të porosis vilë te Rolling Hills. Kur ambasadori grek takoi Metën dhe i tha do të jemi komshinj, Meta kërkoi të heq dorë. SPAK pretendon që jo, argumenti i zonjës kryemadhi nuk qëndron sepse vila ishte dhënë në premtim të ligjit. Pra, nëse ju duket se të japësh argumentat e të dyja palëve papagall.

Bushati: Ta sqaroj pse Klodi e meritonte termin papagall. Do pushojë kjo, apo të iki fare?

Rakipi: Klodi, lëre ta dëgjojmë dhe pastaj përgjigju.

Bushati: Zonja Lala tha që në këmbim të ndryshimit të ligjit Zamir Mane do jepte një vilë. Zonjusha përballë tha kjo nuk është në dosje. Pra, nuk ka lidhje direkte midis kalimit të ligjit dhe dhurimit të vilës. Klodi tha nuk ke lexuar dosjen, se kjo është. Këtu gënjeu dhe për këtë i thashe papagall. Këtë që thua që lidhja vërtetohet, ma cito në cilin paragraf? Klodi pretendon se është e vërtetuar, unë them jo. Kjo është të gënjesh për llogari të bandave që po shkatërrojnë opozitën.

Lala: Është krejt jo etike dhe profesionale. Ky lloj qëndrimi është i qëllimtë për të shfokusuar cështjen nga thelbi. Të etiketosh një grua që raporton gjithë ditën për të majtë dhe të djathtë, papagall i SPAK, qoftë bushat dhe gjykoftë publiku. Kemi në fokus Metën nuk do merrem me ty./ CNA