web counter
LEXO PA REKLAMA!

SHKARKO APP

App Store
Google Play

E fundit!

x

Shteti shqiptar humb gjyqin në Strasburg/ Rreth 17 mijë euro detyrime ndaj Tonin Bibës

23 Tetor 2024, 20:52, Aktualitet CNA

Shteti shqiptar humb gjyqin në Strasburg/ Rreth 17 mijë euro detyrime

Tonin Biba ka fituar gjyqin kundër shtetit shqiptar në Gjykatën Evropiane për të Drejtat e Njeriut më 7 gusht të këtij viti.

Gjykata Evropiane ka detyruar shtetin shqiptar të dëmshpërblejë Bibën në shumën 11 700 (njëmbëdhjetë mijë e shtatëqind) euro, në lidhje me dëmin jopasuror, si dhe në shumën 5 000 (pesë mijë) euro, në lidhje me kostot dhe shpenzimet, plus çdo taksë që mund të jetë e aplikueshme.

Këshilli i Ministrave, në mbledhjen e ditës së sotme ka vendosur të ekzekutojë këtë vendim.

Pagesat do të konvertohen në lekë, në bazë të kursit të këmbimit, në një nga bankat e nivelit të dytë.

Për të kryer pagesat është ngarkuar Ministria e Financave brenda afatit 3-mujor nga dita kur vendimi i gjykatës është bërë përfundimtar.

“Në rast mospagimi brenda afati 3-mujor, të përcaktuar në pikën 4, të këtij vendimi, mbi shumat e mësipërme paguhen interesa të thjeshta, të barabarta me kursin margjinal të huas së Bankës Qendrore Evropiane, gjatë periudhës së mospagimit, plus 3%.

Efektet financiare, të parashikuara për ekzekutimin e këtij vendimi, përballohen nga fondi rezervë i buxhetit të shtetit, për vitin 2024”, thuhet në VKM./ CNA





Lajmet e fundit nga