E fundit!

20:46 Politikë

“Në drejtimin e duhur me kalendarin ambicioz”/ Rama: Jam optimist në mënyrën më shqiptare për mbylljen e kapitujve

Kryeministri Edi Rama gjatë fjalës së tij në konferencën n...

Punimet me ritme të larta/ Kreu i ARRSH-së zbulon kur përfundon rruga Qukës-Qafë Plloçë

16 Shtator 2023, 10:06, Aktualitet CNA

Punimet me ritme të larta/ Kreu i ARRSH-së zbulon kur përfundon

Pas sigurimit të financimit nga partnerët ndërkombëtarë dhe qeveria shqiptare me këmbenguljen e Mnistrisë së Infastrukturës dhe Energjise, në sezonin e verës kanë filluar punimet me ritme të larta në të tria lotet e rrugës nacionale Qukës-Qafë Plloçë.

Kreu i ARRSH-së, Evis Berberi, ka dhënë detaje mbi ecurinë e punimeve të aksit Qukës-Qafë Plloçë si pjesë e Korridorit VIII Pan Eruopian.

Berberi është shprehur se ky projekt ka hasur shumë problematika të financimit për shkak të të projektimit jo të saktë në vitin 2009, ku nuk ishin parashikuar vështirësitë gjeologjike.

Kreu i ARRSH-së, ka përshkruar detajet e këtij aksi, duke bërë me dije se gjatësia totale është rreth 43.3 km, i ndarë në 3 lote prej të cilëve 2 janë mundësuar përmes financimit të Bankës Islamike për Zhvillim për Lotet 1 dhe 2 (km 2.9–km 33.8), dhe Fondit Saudit për Zhvillim për Lotin 3 (km 33.8 – km 40.5) dhe Qeverisë Shqiptare për Lotin 0 (km 0.0 – km 2.9).

Falë këtij aksi shumë shpejt Korça dhe Tirana do të kenë një lidhje edhe më të shkutër pas përfundimit të tunelit Tiranë-Elbasan dhe fillimit të investimit të rrugës Elbasan-Qafë Thanë.

Gjatë intervistës për Revistën Monitor, Berberi thotë se ky projekt lehtëson trafikun, ndikon në zhvillimin e bujqësisë së zonës rurale të Mokrës dhe fshatrave përreth, si dhe shkurton kohën për transportin e mallrave nga Porti i Durrësit për në pikën e kalimit kufitar të Kapshticës.

Ai zbulon se realizimi fizik i ndarë në seksione ka arritur në seksionin 1 (km 2.9 – km 18): 78%, seksionin 2 (km 18 – km 33.8): 76%, seksionin 3 janë realizuar: 37%.

Gjithashtu thekson se punimet në seksionin 1 dhe 2 pritet të përfundojnë në 31 Dhjetor vitin 2024 dhe punimet në skesionin 3 parashikohen të përfundojnë në 31 Korrik të vitit 2025.

“Projekti Qukës – Qafë-Plloçë është pjesë e Korridorit VIII Pan-Europian. Ky është një projekt që ka ndeshur në problematikën e financimit për shkak të projektimit jo të saktë në vitin 2009, ku nuk ishin parashikuar të gjitha problematikat dhe vështirësitë gjeologjike.

Gjatësia totale është rreth 43.3 km, i ndarë në 3 lote prej të cilëve 2 janë mundësuar përmes financimit të Bankës Islamike për Zhvillim për Lotet 1 dhe 2 (km 2.9–km 33.8), dhe Fondit Saudit për Zhvillim për Lotin 3 (km 33.8 – km 40.5) dhe Qeverisë Shqiptare për Lotin 0 (km 0.0 – km 2.9).

Ky projekt përmirëson parametrat e rrugëtimit dhe bën të mundur aksesimin e trafikut, që kalon ndërmjet Korridorit VIII nga aksi rrugor Tiranë-Elbasan me pjesën e Juglindjes, si dhe shkurtimin e distancave me qytetin e Korçës, pikën e kalimit kufitar të Kapshticës dhe më tej.

Po ashtu, rruga lehtëson trafikun, ndikon në zhvillimin e bujqësisë së zonës rurale të Mokrës dhe fshatrave përreth, si dhe shkurton kohën për transportin e mallrave nga Porti i Durrësit për në pikën e kalimit kufitar të Kapshticës.

Me lidhjen e kontratave të reja, puna ka avancuar me ritme të shpejta, ndërkohë që seksione të veçanta nën trafikun lokal do të jenë të shfrytëzueshme edhe më parë. Tashmë realizimi fizik i ndarë në seksione ka arritur në:

Seksioni 1 (km 2.9 – km 18): 78%

Seksioni 2 (km 18 – km 33.8): 76%

Seksioni 3 janë realizuar: 37%.

Punimet në Seksion 1 dhe 2 vlerësohet të përfundojnë brenda 31 Dhjetor 2024.

Punimet në Seksion 3 janë parashikuar të përfundojnë deri më 31 Korrik 2025.”, ka bërë me dije kreu i ARRSH-së, Evis Berberi./ CNA