web counter
LEXO PA REKLAMA!

SHKARKO APP

App Store
Google Play

Arrestimi i “Ujkut të Cërrikut”/ Murrizi: Show mediatik, ujqërit e vërtetë janë të paprekshëm

15 Shtator 2023, 17:49, Aktualitet CNA
Arrestimi i “Ujkut të Cërrikut”/ Murrizi: Show mediatik,
Ish-deputeti Myslim Murrizi

Gjatë operacionit “Tempulli” të policisë u arrestua mes dhjetëra personash Saimir Rexhepi, i njohur ndryshe me pseudonimin “Ujku i Cërrikut”.

Ish-deputeti Myslim Murrizi ironizon policinë, teksa thotë se emrin operacionit ia ka vënë “Tempulli” për shkak të arrestimit të padrinos, “Ujkut të Cërrikut”.

Murrizi shtron pyetjen se përse nuk gjendet burimi i drogës dhe përse nuk ndalohen pronarët që mbushin arkat e bananeve me kokainë.

Ish-deputeti deklaron se askujt nuk i duhet një show mediatik kur ujqërit e vërtetë që furnizojnë Shqipërinë dhe europën me tonelata dhe kontejner bananesh janë të paprekshëm dhe emërojnëë drejtues policie, doganash e porti.

 

Deklarata e plotë:

Mega operacioni “Tempulli” e ka marrë emrin pikërisht pse është arrestuar “padrinoja” i tempullit, Ujku i Cërrikut.

Shumë mirë bëjnë që goditën shpërndarësit ordinerë, por po nuk u mbyll burimi nga vjen ky mall e gjitha është propagandë hipokrite.

Si ka mundësi që arrestohet me filmim “Ujku” i Cërrikut dhe për çudi asnjëherë nuk ndalohet një nga pronarët që importojnë banane, por që arkat mbushen me kokainë??

E çfarë “sekreti” qenka që nuk bëhen publikë emrat dhe vendbanimet e këtyre të arrestuarve, si dhe me çfarë sasie konkrete droge janë kapur???

Sepse po kanë patur më pak sesa 3 vazot e “provës “së Encës në ballkon, atëherë gjykata do t’i lirojë të gjithë deri të hënën.

E për çfarë dhe kujt i duhej ky show mediatik me “Ujkun” e Cërrikut, kur ujqërit e vërtetë që furnizojnë Shqipërinë dhe europën me tonelata dhe kontejner bananesh janë të paprekshëm dhe emërojnëë drejtues policie, doganash e porti.

Nga njëra anë është gati amnistia për 500-600 të burgosur për vepra afërsisht të tilla, dhe nga ana tjetër duket si aksion për të realizuar planin.

Dyshoj shumë që do jenë arrestuar se mos ju kanë prishur tregun ujqërve të drogës që janë të lidhur me qentë e politikës./ CNA





Lajmet e fundit nga