E fundit!

09:08 Aktualitet

Krimi që ka ndodhur me protestën

Qytetarët kanë të drejtë të protestojnë, rinia. Për Zvërne...

Si funksionon mbrojtja kibernetike në Shqipëri?

15 Shtator 2023, 12:14, Aktualitet CNA

Zëvendëskryeministrja Belinda Balluku ka qenë sot në Qendrën Operacionale të Sigurisë Kibernetike (AKCESK) ku monitorohen e analizohen në kohë reale të gjitha kërcënimet kibernetike në vendin tonë.

Drejtor i Përgjithshëm, Igli Tafa, shpjegoi se si funksionon mbrojtja kibernetike.

“E rëndësishme është ngritja e një 'network'-i. I rëndësishëm bashkëpunimi me partnerët ndërkombëtarë. SHBA dhe Izraeli kanë qenë gjithmonë pjesë e rasteve ku kemi ndarë eksperienca me to.”

Igli Tafa tregon se janë 14 metodologji proaktive dhe 5 metodologji aktive.

“Kemi rreth 14 metodologji proaktive që kanë të bëjnë me mbrojtjen para se të ndodhin sulmet dhe 5 aktive pasi të ndodhë sulmi. Tashmë kemi qasje aktive, bashkëpunojmë si para dhe pas ndodhjes së aksidentit. Grupet gjejnë metoda stimuluese për të arritur deri në metodat e stimulimit. Kjo na bën krenarë për punën e bërë.”

Por ku përfshihen bankat dhe sistemet e tjera? A janë përafruar palët me njëra-tjetrën?

“Ka qenë një sfidë e madhe mes AKCESK dhe bizneseve. Jemi në fazën ku mund të quhemi një institucion I besueshmërisë. Shumë sektorë privatë kanë ofruar dhe informacione që më parë ishin të paimagjinueshmë për t'u ndarë me këtë institucion”, tha Tafa.

“Pra nga dhjetori 2022 kemi qenë më shumë proaktivë sesa thjesht aktivë”, tha Balluku teksa shikonin të dhënat në tabelë.

Si funksionon mbrojtja kibernetike në Shqipëri?

“Dhe kemi qenë dominues ndaj armikut nëse mund ta përdorim këtë terminologji. Dhe impakti në infrastrukturat kritike ka qenë jo lart dikur e tani jemi në situatë stabiliteti a qëndrueshmërie.”, shtoi Tafa.

Por ku ndodhet Shqipëria në Indeksin Evropian?

“Në Indeksin Evropian në 2021-shin kemi qenë nën 40 për qind e tashmë jemi rreth 70 për qind.”, tha Balluku.

Si funksionon mbrojtja kibernetike në Shqipëri?

“Plani ynë është të vazhdojmë akoma më shumë. Arsyeja është se tashmë ne jemi në një rrugëtim dhe siguria kibernetike nuk mund të bëhet në një proces të shkurtër, por të gjatë”, tha drejtori.

Dhe Balluku u shpreh se shkalla e sigurisë kibernetike duhet të jetë e lartë në një kohë kur dhe shërbimet digjitale po shtohen./ CNA