E fundit!

13:47 Live Updates

Karburantet në Shqipëri/ Një krizë besimi mes çmimeve dhe transparencës

Çmimet e karburantit sot dhe roli i sh...

Inceneratorët/ Denoncimi: Veliaj ka dhënë urdhër për të shtuar fondet për djegësin e Tiranës

15 Shtator 2023, 11:15, Aktualitet CNA

Inceneratorët/ Denoncimi: Veliaj ka dhënë urdhër për

Nënkryetari i Partisë së Lirisë, Endrit Braimllari, ka hedhur një tjetër akuzë në lidhje me aferën e inceneratorëve.

Gjatë një deklarate për mediat, ka bërë me dije se kryetari i bashkisë, Erion Veliaj, ka dhënë urdhër për të shtuar fondet për djegësin e Tiranës, me shumën 5.7 milionë euro.

Erion Veliaj kërkon të rritet fondi për inceneratorin e Tiranës, dhe nuk i jep përgjigje pyetjes së anëtarëve të Këshillit Bashkiak të Partisë së Lirisë se sa është sasia e mbetjeve që ka depozituar Bashkia e Tiranës që kur është lidhur kontrata.

Sipas Braimllarit kërkesa do të shqyrtohet sot gjatë mbledhjes së Këshillit Bashkiak në orën 16:00, ndaj u ka bërë thirrje mediave të jenë të pranishme sot në orën 16.00 të pasqyrojnë mbledhjen e Këshillit Bashkiak për më shumë transparencë për qytetarët.

Deklarata e Braimllarit

Sot në orën 16:00 në Këshillin Bashkiak të Tiranës, Erion Veliaj ka dhënë urdhër të shtojë fondet për inceneratorin e Tiranës me 5.7 milionë euro.

Kjo kërkesë tërësisht abuzive është ndeshur me kundërshtimin maksimal të këshilltarëve të opozitës në komisionet e këshillit bashkiak.

Erion Veliaj kërkon të rritet fondi për inceneratorin e Tiranës, dhe nuk i jep përgjigje pyetjes së anëtarëve të këshillit bashkiak të Partisë së Lirisë se sa është sasia e mbetjeve që ka depozituar Bashkia e Tiranës që kur është lidhur kontrata.

Me anë të kësaj deklarare i bëj thirrje të gjitha mediave të jenë të pranishme sot në orën 16.00 të pasqyrojnë mbledhjen e këshillit bashkiak për më shumë transparencë për qytetarët.

I bëj thirrje Erion Veliajt të mos trembet dhe të vijë vetë në mbledhjen e këshillit bashkiak dhe t’i tregojë qytetarëve pse po kërkon para shtesë për incenerarorin e Tiranës që është nën sekuestro nga SPAK dhe nuk ekziston.

Erion Veliaj të mos fshihet mbrapa firmave të vartësve dhe punonjësve të tij por të marrë autorësinë për gjërat që kërkon dhe t’i shpjegojë qytetarëve pse ai vazhdon me kokëfortësi t’i japë miliona euro për inceneratorin e Tiranës që nuk eksziston.

Qytetarët e dinë se interesat e Erion Veliajt janë korruptive në rast të kundërt nuk do të hidhte firmat e tij në kundërshtim me ligjin./ CNA