web counter
LEXO PA REKLAMA!

SHKARKO APP

App Store
Google Play

Shefi i zjarrfikëses zbulon detaje/ Nga erdhi zjarri që përfshiu pallatin 9-katësh në Tiranë

14 Shtator 2023, 17:19, Aktualitet CNA
Shefi i zjarrfikëses zbulon detaje/ Nga erdhi zjarri që përfshiu
Drejtori i zjarrfikëses së kryeyqtetit, Shkëlqim Goxhaj

Drejtori i zjarrfikëses së kryeyqtetit, Shkëlqim Goxhaj, deklaroi se zjarri në pallatin në zonën e ish-Parkut të Autobusëve është në kontroll.

Goxhaj tha në një prononcim për mediat se zjarri ka ardhur nga kati i dytë i ndërtesës.

Ai deklaroi se është ende herët për të folur për shkaqet e këtyre flakëve që u ngjitën me shpejtësi deri në tarracë.

Sipas tij, përhapja e flakëve në objekt është favorizuar nga veshja e pallatit me polisterol.

“Në këtë moment situata e zjarrit është në kontroll. Po shkon drejt izolimit. Pjesa lindore ka përfunduar më shpejt. Po vazhdojmë me vatrën e fundit të zjarrit. Ka marrë përmasa të shpejta. Ka qenë diku në katin e dytë dhe është përhapur me shpejtësi deri në tarracë. Jemi interesuar për qytetarë të ndodhur dhe kemi bërë fillimisht evakuimin. Nga kontrollet që kemi bërë bashkë me policinë, nuk na rezulton të kemi qytetarë të dëmtuar.

Zjarri ka bërë dëm të madh dhe po shkon drejt izolimit. Në këtë moment nuk nuk mund të flasim për shkakun e zjarrit, as rezultate përfundimtare. Do jemi këtu për të siguruar që mos të kemi humbje të jetës së qytetarëve. Zjarri ka qenë në pjesën e jashtme të objektit. Dyert janë të blinduara, për momentin nuk i verifikojmë dot. Të dëmtuara  janë vetëm ato banesa që kanë pasur hapur dritaret. Për momentin dallojmë vetëm dy hyrje të dëmtuara, pjesa tjetër duhet të verifikohet.

Fasada ka përhapur vatrën e zjarrit. Vetëm pak që janë dëmtuar nga ana e frymëmarrjes, kanë marrë ndihmën e parë dhe s’kemi zjarrfikës të dëmtuar për momentin. Situata është në kontroll”, deklaroi Goxhaj./ CNA





Lajmet e fundit nga