LEXO PA REKLAMA!

SHKARKO APP

Kapet me mijëra fara kanabis, armë dhe fishekë luftarak / Prangoset 29-vjeçari në Fier

15 Shtator 2023, 13:30, Aktualitet CNA

Kapet me mijëra fara kanabis, armë dhe fishekë luftarak /

Një 29-vjeçar në Fier ka rënë në prangat e policisë pasi akuzohet se posedonte dhjetëra mijëra fara të bimës kanabis sativa, me qëllim kultivimin dhe shitjen e tyre, si dhe kishte kultivuar në vazo, disa bimë narkotike.

Kapja e 29-vjeçarit me inicialet F. Sh., u bë falë operacionit policor të koduar “Stadi”.

Atij ju gjetën në banesën e tij, në lagjen "Kryengritja", 12 100 fara të dyshuara të bimës narkotike kanabis sativa, fishekë luftarakë dhe një dorezë metalike.

Gjithashtu, nga kontrollet u konstatua se ky shtetas kishte kultivuar në vazo, 17 bimë të dyshuara narkotike kanabis sativa.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme./ CNA

Lajmet e fundit nga