web counter
LEXO PA REKLAMA!

SHKARKO APP

App Store
Google Play

Berisha tregon gjithçka mbi financimin rus: Basha më mashtroi, ai mbahej peng me dosjen "Muzini"

16 Shtator 2022, 12:24, Aktualitet CNA

Kreu i PD-së, Sali Berisha, po mban fjalën e tij para gazetarëve, ku po tregon gjithë skemën e financimit rus duke vënë në dispozicion informacionet që kishte mbi çështjen.

“Në vitin 2018 ambasadori Donald Lu më solli në zyrë një dosje me një artikull të portalit apo gazetës 'Mother Jons', për financimin me para ruse të Muzin, që të lobojë për Lulzim Bashën dhe PD-në. Në dosje, përveç artikullit të 'Mother Jons', dhe një flete që tregon se Muzin ishte i regjistruar në DASH si lobues për PD-në, nuk kishte asnjë dokument tjetër për këtë aferë. Lulzim Basha, i pyetur nga unë se çfarë qëndron pas këtij artikulli, më deklaron se paratë e paguara për Muzin janë para të mbledhura me procedurë të rregullt në diasporë dhe SHBA dhe se artikulli s'ka asgjë të vërtetë. Janë para të mbledhura në përputhje me ligjin dhe rregullat. Ai e deklaroi shumë herë publikisht këtë shpjegim, kam besuar variantin e këtij të fundit. më vonë u vura në dijeni se Basha mbahej peng me dosjen Muzin dhe se çështja ndaj tij u mbyll në gjykatë me ndërhyrje të Agaçit ku prokurori duke shkelur ligjin nuk bëri rekurs në Gjykatën e Lartë. E kam denoncuar këtë nga foltorja në foltore këtë akt. Përveç kësaj jam informuar se Basha kishte mashtruar dhe nuk kishte bërë mbledhje fondesh në diasporë. Pas këtyre informacioneve, vetëkuptohet se burimi i parave të paguara mund të ishte rus, siç kishte shkruar 'Mother Jons'. Më 14 prill të 2022, kam denoncuar para jush te parlamenti financimin rus të Bashës dhe mbylljen e dosjes së tij ruse nga Edi Rama”, tha ai.





Lajmet e fundit nga