E fundit!

11:58 Aktualitet

ABI Bank ka refuzuar të paguajë gjobën 120 milionë për një portal gjobaxhi

ABI Bank ka refuzuar të paguajë gjobën 120 milionë për një...

Shërbimet online/ Rama nuk ndal propagandën

27 Prill 2022, 10:16, Politikë CNA

Nga 1 maji, do të nisin shërbimet online, duke mbyllur epokën e radhëve të gjata në sportele.

Lajmin e ka bërë të ditur kryeministri Edi Rama, i cili tha se ky është një transformim i jashtëzakonshëm që ndihmon çdo qytetar.

?Eksperiencat e vendeve të tjera na kanë mësuar që kalimet bëhen në mënyrë drastike. Bëhen me një të prerë të shpatës sepse vazhdojnë bishtat pas bishtave. Kjo prodhon hapësira ku vazhdon zvarritja, stresi e ryshfeti, si dhe shërbimi jo cilësor. Vendimi është i prerë, më datën 30 prill s?ka më sportele në Republikën e Shqipërisë. Kjo do të funksionojë edhe pse në fillim do të ketë ngërçe, shqetësime. Nevoja do t?i bëjë që ta mësojnë?, tha Rama.

Kreu i qeverisë e lidhi dixhitalizimin me pranimin e patentave shqiptare nga Gjermani. Sipas tij, dixhitalizimi do t?i japë mundësi administratës të ketë performancë më të lartë.

“Një ditë e shënuar për historinë e administratës sonë. E nis me një shembull, ai i Drejtorisë së Përgjithshme të Transportit, që përbën një burim domethënës informacioni dhe eksperience për këtë proces që e çon administratën nga një makineri e shtrirë në territor me zyra e njerëz, radhë…, në një instrument në shërbim të çdo qytetari në xhep, në smartphone apo kompjuter. Është një transformim i jashtëzakonshëm për të cilin ka një shembull ndër shumë të tjerë, por më kuptimploti. Ishte e paimagjinueshme që Gjermania, shteti më strikt në Europë, të njihte lejet e drejtimit të Shqipërisë, të cilat buronin nga një proces i gjurmueshëm.

Ka patur një numër të konsiderueshëm lejesh drejtimi të dhëna në mënyrë të parregullt dhe ishte e paimagjinueshme që Gjermania do njihte lejet e drejtimit të Shqipërisë. Për ta ishte e pakuptimtë si mund të pretendonte Shqipëria të ishte e barabartë në këtë aspekt, por pastaj duke ditur se kemi bërë një progres të konsiderueshëm se çfarë kishte sjellë dixhitalizimi në atë drejtori, ne kërkuam të vinte një inspektim. Inspektimi i Ministrisë së Transporteve të Gjermanisë doli pozitiv dhe inspektorët gjermanë ishin të shokuar se nuk e prisnin atë lloj realiteti të transformuar rrënjësisht. Vetëm përmes dixhitalizimit i jepet mundësia administratës të bëjë performancën më të lartë“, tha Rama./CNA.al