LEXO PA REKLAMA!

SHKARKO APP

Meta nuk trembet nga kritikat/ Dekoron restorantet ku ha e pi

27 Prill 2022, 09:10, Politikë CNA
Meta nuk trembet nga kritikat/ Dekoron restorantet ku ha e pi

Pavarësisht kritikave të shumta për dekoratat, Ilir Meta duket se po i shfrytëzon edhe muajt e fundit që i kanë mbetur në Presidencë.

Sot Meta ka lëshuar disa dekoratata të tjera. Kësaj radhe për restorantet tradicionale ku ha dhe pi, Kreu i Shtetit ka dhënë titullin “Mjeshtër i Madh”.

?Vendi ynë ngjall shumë interes jo vetëm për natyrën, relievin dhe ekosistemet e veçanta, për trashëgiminë kulturore, jo vetëm për mikpritjen. por edhe për kulinarinë tonë apo këtë art të ri që po shkon drejt përsosshmërisnë. Ne sot kemi mundur të krijojmë një kuzhinë të markës shqiptare, të mbështetur fort në traditën tonë të larmishme, të shëndetshme, plot shije dhe ajo që është më kryesorja në këtë epokë të produkteve ushqimore të prodhuara gjenetikisht, kemi krijuar një kuzhinë organike shqiptare?, tha Meta ndër të tjera gjatë dekorimit, teksa tregonte sesa të shijshme janë ushqimet që ka provuar në restorantet shqiptare.

Por kjo nuk është hera e parë që Meta jep dekorata për restorante, pasi edhe më parë ai ka dekoruar biznese për cilësinë  e mishit.

Sot Presidenti vërtetoi edhe njëherë dashurinë e madhe që ka për të ngrënë e për të pirë. Ndërkohë, dekoratat e sotme vijnë si një mesazh i Metës për t?i thënë qeverisë e shqiptarëve se nuk do të ndalet./CNA.al

Lajmet e fundit nga