E fundit!

09:03 Aktualitet

Amnistia Penale hyn në fuqi, qindra të dënuar lënë sot burgjet/ Ja kush përfiton dhe kush përjashtohet

Ka nisur zbatimi i Amnistisë Penale, duke sjellë ndryshime...

Si ta kuptoni nëse varësia dixhitale, po e shkatërron jetën tuaj

27 Nëntor 2019, 09:52, Blog CNA

Nga Terri R.Kurtzberg ?The Conversation?

* Frika se shpërqendrimi nga bota dixhitale po e shkatërron jetën dhe miqësitë tona, është shumë e përhapur. Natyrisht, varësia dixhitale është një dukuri reale. Mjafton të kini parasysh 2.600 herët që prekim telefonat tanë çdo ditë, panikun që na kap kur heqim përkohësisht nga vetja një pajisje dixhitale, përvojën e ?sindromës së dridhjeve fantazmë? etj.

Dhe kjo varësi mund të ketë pasoja reale. Për shembull, të tjerët e marrin si diçka personale nëse ju ndaloni befas së foluri me ta, për t?iu përgjigjur një mesazhi. Por kjo është vetëm një pjesë e historisë. Ne duhet ta pranojmë gjithashtu se teknologjitë e sotme, mund të na bëjnë më të lidhur se kurrë më parë.

Atëherë, si t?i shmangim grackat e mundshme, ndërsa korrim ende përfitimet? Si studiues në fushën e teknologjisë dhe komunikimit, kam kaluar gati 2 dekada duke vëzhguar mënyrat sesi bashkëveprimi me ekranet, është i ndryshëm nga bashkëveprimi ynë me mënyra të tjera, përfshirë komunikimin ballë për ballë, në telefon dhe me shkrim.

Grupi im hulumtues, ka prodhuar disa studime që kanë treguar se njerëzit janë më gënjeshtarë, më shumë negativë dhe më pak bashkëpunues, kur përdorin mjete dixhitale të komunikimit. Dhe për fëmijët nën 5-vjeç, ekzistojnë shqetësime serioze për zhvillimin e trurit.

Frika jonë ndaj ndikimit në rritje të kohës së kaluar para ekraneve dixhitalë, tek ne dhe fëmijët tanë, përfshijnë tre fusha kryesore:shëndetin mendor, varësinë dixhitale, dhe niveli i angazhimit me atë që po ndodh rreth nesh. Në të treja rastet, rreziqet janë përgjithësisht të mbivlerësuara.

Ka pasur shumë diskutime mbi lidhjet e mundshme midis depresionit, dhe përdorimit të telefonit celular, sidomos tek adoleshentët.

Por dëshmitë e fundit, tregojnë se kjo lidhje është negative në rastin më të mirë. Sa i përket varësisë, fusha e psikologjisë e ka njohur tashmë varësinë nga videolojërat, si një problem të mirëfilltë dhe i diagnostikueshëm. Dhe përsa i përket angazhimit me pajisjet dixhitale, megjithë sasinë në rritje të kohës së kaluar para ekraneve, pjesa dërrmuese e fëmijëve ende arsimohen, miqësohen me të tjerët, dhe vazhdojnë të kenë një jetë produktive.

Ndërsa bashkëveprimet tona, po zhvendosen gjithnjë e më shumë nga ai tradicional ballë për ballë, besoj se duhet ta pranojmë që në disa zona, pasurimi dhe angazhimi gjithashtu mund të jenë në rritje. Kolegët mund të punojnë së bashku, edhe duke qenë fizikisht larg njëri-tjetrit, miqtë mund të mbajnë kontakte, dhe gjyshërit mund të kontantojnë direkt me nipërit e tyre pa pasur nevojë të flasin më parë me prindërit.

Ndërkohë a ka ndonjë problem? Ndoshta mënyra më e mirë për të vlerësuar kohën që kalojmë me telefonat tanë, është t?i bëni vetes dy pyetje.Së pari, çfarë po bën me kohën që i kushton telefonit, dhe a është në përputhje kjo me vlerat dhe prioritetet e tua?

Nëse ndjeni se ju dhe fëmijët tuaj po e shijojnë kohën e kaluar para ekranit, dhe nuk po rrezikojnë gjumin, punën apo ndërveprimet sociale, atëherë mund të mos keni shumë arsye për t?u shqetësuar. Së dyti, cilat janë vijat tuaja të kuqe, mbi atë se kur dhe si përdorimi i telefonit, mund të kufizojë pjesën tjetër të jetës tuaj?

Shumica nga ne e kuptojnë, se nuk duhet ta përdorim clularin para se të flejmë gjumë, apo më keq akoma kur ngasim makinën, dhe kur kalojmë rrugën. Dhe e dimë shumë mirë, se duhet të jemi shumë të vëmendshëm ndaj fëmijëve dhe adoleshentëve tanë, për t?u siguruar që ata po zhvillojnë zakone të mira, brenda dhe jashtë sferës dixhitale.

Por ne jemi më pak të qartë, se si telefonat tanë mund të ndikojnë mbi jetën tonë në mënyra të tjera. Studimi i fundit, na ofron disa leksione. Së pari, nuk jemi aq të mirë sa mendojmë në kryerjen e shumë detyrave njëherësh:Në përgjithësi, ne u kushtojmë më pak vëmendje që të dy detyrave, kur përpiqemi t?i bëjmë ato në të njëjtën kohë.

Me kalimin e kohës, njerëzit që veprojnë kështu, kanë gjasa të bëjnë gabime edhe më të mëdha në të ardhmens. Edhe vetë prania e një telefoni, mund të kufizojë angazhimin tuaj në punë dhe aftësinë tuaj për të krijuar marrëdhënie me të tjerët.

Kjo do të thotë që edhe pse mund të mos keni nevojë të shqetësoheni për përdorimin e telefonit tuaj në përgjithësi, ka ende momente kur do të ishte një lëvizje e zgjuar heqja nga duart e telefonit për një farë kohe.