4.2 mld njerëz s'kanë qasje në tualete normale/ Qindra, mijëra të vdekur për shkak të mungesave

24 Nëntor 2019, 20:29, Blog CNA

?Mos lini askënd pas?, ishte slogani i këtij viti në Ditën Botërore të Tualeteve më 19 nëntor.Është në fakt i njëjti slogan i përdorur disa muaj më parë në Ditën Botërore të Ujit.I njëjti premtim vërehet edhe në Objektivin nr.6 të Axhendës së Vitit 2030, që kërkon ?garantimin për të gjithë të ujit dhe të kanalizimeve?.Një tualet nuk është kurrë një objekt që mund të përdoret për të bërë ironi.Në shumë vende të botës, ai është një pajisje jetike, që shpëton jetën e qindra mijëra njerëzve.

Të drejtat e shkelura

Sot në botë, 4.2 miliardë njerëz nuk kanë ende në dispozicion tualete normale, si gjithë pjesa tjetër.673 milionë qenie njerëzore, i kryejnë ende nevojat personale ne natyrë, dhe 3 miliardë nuk kanë mundësi të lajnë rregullisht duart.

Mungesa e shërbimeve më elementare për ruajtjen e higjienës personale, kërcënon serzioisht shëndetin global.Feçet e patrajtuara, e ndotin ujin dhe tokën, dhe provokojnë përhapjen e sëmundjeve. Rreth 432.000 njerëz vdesin çdo vit nga sëmundjet diarreike, që lidhen pikërisht me mungesën e tualeteve brenda standateve higjenike.

Pasojat në sistemin tretës nga konsumi i ushqimit dhe ujit të ndotur, janë në rrënjë të problemeve të kequshqyerjes dhe braktisjes së shkollës.Kjo është një situatë që prek mbi të gjitha gratë e reja, që kanë të detyruara të përjetojnë izolim dhe me turp në periudhën menstruale, në mungesë të pecetave sanitare dhe tualeteve në mjediset shkollore.

Mungesa e pajisjeve të mjaftueshme sanitare, minon ndërkaq produktivitetin e punës, dhe aftësinë për të mbështetur financiarisht familjen.Punëtorët e detyruar të punojnë pa ujë të pastër janë më të brishtë, kanë më pak aftësi, kanë vështirësi të përqëndrohen, dhe bëjnë më shumë mungesa se të tjerët.

Ata që merren me prodhimin e ushqimeve, dhe janë në kontakt të drejtpërdrejtë me tokën e ndotur, rrezikohen nga më shumë probleme shëndetësore. Të qenit të detyruar të urinojnë dhe defektojnë në natyrë, e fyen dinjitetin e tyre, dhe vë në rrezik sigurinë e tyre personale, sidomos për vajzat, që presin errësirën për të kryer nevojat e tyre përsonale, për të mos u parë nga të tjerët dhe rrezikuar të bien pre e ndonjë sulmi seksual.

Po çfarë do të thotë ?tualet i përshtatshëm?

Me tualete të menaxhuara higjenikisht, nënkuptohen tualetet e destinuara që nuk duhet të ndahen me familjet e tjera, dhe në të cilat feçet nuk kanë kontakt me njerëzit, dhe mbyllen në vend, ose transportohen dhe trajtohen diku tjetër. Par me pak fjalë ato nuk rrezikojnë, të ndotin ambientin dhe njerëzit me baktere të dëmshme.

Axhenda e Vitit 2030 e OKB, synon të ?sigurojë deri në vitin 2030 qasje në tualete me një higjienë të përshtatshme, dhe që t?i jepet fund kryerjes së nevojave personale në natyrë, duke i kushtuar vëmendje të veçantë nevojave të grave dhe vajzave, dhe atyre që ndodhen në situata të cenueshme?, dhe të ?përmirësojë cilësinë e ujit…duke zvogëluar ndotjen dhe çlirimin e kimikateve dhe mbeturinave të rrezikshme?, dhe ?përgjysmimin e sasisë së ujërave të ndotura të patrajtuara?.

Një progres i ngadaltë

Në fakt, jemi ende shumë larg nga përmbushja e këtyre premtimeve. Me shkallën aktuale të përparimit, vetëm 40 nga 152 vendet e angazhuara për Qëllimet e Zhvillimit të Qëndrueshëm,

do të arrijnë të kenë një mbulim gati të plotë me kanalizimet kryesore për të gjithë popullatën deri në vitin 2030.

Në komunitetet rurale, përmirësimet janë edhe më të ngadalta. Mungesa e kanalizimeve të përshtatshme, është edhe një element i mëtejshëm i përjashtimit shoqëror, sidomos nëse përjetohet nga grupe të caktuara persona veçanërisht të cënueshëm (gratë, ata me aftësi të kufizuara, refugjatët, pakicat gjuhësore, etnike dhe fetare; fëmijë ose të moshuarit, apo ata që kanë pasur më herët probleme shëndetësore); të varfrit dhe të pastrehët, ose ata që nuk kanë tokë./Përktheu dhe përshtati CNA.al