Pikëpyetjet mbi korrupsionin në Ukrainë/ A po i mbron Trump taksapaguesit amerikanë?

24 Nëntor 2019, 14:02, Blog CNA

Nga Craig Shirley ?Newsmax?

Nëse financimi i një kauze fisnike, nënkupton lejimin e korrupsionit, a ia vlen ajo ende të financohet? A është akoma një kauzë fisnike? Këto janë pyetje të vështira, që nuk kanë përgjigje të lehta.Dhe në epokën e lajmeve 24-orëshe, ata që mundohen të reflektojnë mbi gjëra të tilla, nuk janë të mirëpritur në panelet mediatike.

Gjithsesi, e ardhmja e sigurisë sonë kombëtare, varet nga aftësia për t?iu përgjigjur këtyre pyetjeve, pavarësisht se çfarë mendojnë ekspertët, elitat dhe mediat e mëdha. Është shkruar më parë – dhe është një thënie e zakonshme në Rusi – se Amerika u deh aq shumë kur u rrëzua Muri i Berlinit, sa që nuk jemi ende esëll.

Dhe nëse shqyrtoni politikën tonë të vazhdueshme në kuadër të NATO-s, është e vështirë të mos bihet dakord me këtë konstatim.Që nga fundi i Luftës së Ftohtë, vetëm ushtari amerikan ka qenë ?fanari? i lirisë dhe demokracisë në të gjithë planetin. Në këtë mënyrë, ne kemi subvencionuar sigurinë e shumë vendeve, duke iu dhënë atyre mundësinë të minimizojnë shpenzimet e tyre ushtarake, si dhe të maksimizojnë investimet e tyre në fushat civile.

Ndërsa kjo qasje na dha një sasi të paparë të ?diplomacisë së butë?, ne krijuam ndërkohë pa dashje një rivalitet, që vazhdon të kërcënojë vendin dhe ekonominë tonë. Kur Perandoria Japoneze u mposht gjatë Luftës së Dytë Botërore, ne investuam shumë në restaurimin e këtij vendi, dhe e ndaluam atë të kishte një ushtri të madhe.

Për pasojë, ne ishim aq të suksesshëm në rindërtimin e vendit, sa që prodhimi vendas, veçanërisht i makinave, e shkatërroi aq rëndë indutrinë e makinave amerikane në shtetet e Mes-perëndimit, sa që ajo nuk e kanë marrë ende veten. E njëjta gjë mund të thuhet edhe për Gjermaninë.

Ndërkohë, në Skandinavi gjenden disa shtete të forta të mirëqenies sociale, që mund të ekzistojnë vetëm për shkak të mbështetjes së tyre të fortë tek forca ushtarake e SHBA-së. Ndërkohë, mund të argumentohet se qasja jonë fodulle ndaj Evropës, i dha asaj ?luksin? e krijimit të Bashkimit Evropian, që është një bastion i ri i pushtetit, krimit dhe korrupsionit.

Nuk është më fjala për ?të sëmurin e Evropës?, por a është e sëmurë e gjithë Evropa, përtej mundësisë së shërimit? Oskar Uajlld tha dikur:?Morali, ashtu si arti, do të thotë të tërheqësh dikur një vijë?. Për Donald Trumpin, kur është fjala për Ukrainën dhe botën në tërësi, çështja është ku duhet tërhequr kjo vijë?

Nga ana tjetër, a ka Amerika autoritetin moral të ligjërojë ndaj Ukrainës, dhe aq më pak ndj botës për korrupsionin?Është paksa qesharake.Tek e fundit, ne jemi duke ?notuar? në korrupsion.Duke u mbështetur mbi korrupsionin, Uashingtoni është i sinqertë vetëm kur i përshtatet qëllimeve të tij.

Sidoqoftë, në skenën botërore, Amerika çon me naivitet ushtarët saj, për ta mbrojtur botën nga vetvetja. E përse? Që dy presidentët, Barack Obama dhe Donald Trump, e panë këtë çekuilibër të madh të mbrojtjes sonë, në përdorimin e saj në botën e pasluftës, që ishte krejtësisht e paqëndrueshme në fillimin e shekullit XXI.

Aleatët tanë të NATO-s, duhej të përparonin në aspektin e mbrojtjes së tyre.Edhe Obama dhe Trump luftuan për këtë, por vetëm Trump ishte i suksesshëm. Dhe kjo gjë na sjell tek Ukraina. Shumë analistë, besojnë se Ukraina është një vend strategjik për Perëndimin.

Ajo është e dominuar nga korrupsioni dhe është gjymtuar nga oligarkët, dhe ka qenë kështu

që nga shembja e Bashkimit Sovjetik. Ne duhet t?u qëndrojmë pranë aleatëve tanë, dhe t?i mbështesim ata. Por nëse 99 cent nga çdo 1 dollarë ndihmë që Amerika i jep qeverisë ukrainase, shkon në duart e burokratëve dhe oligarkëve, a ia vlen kjo ndihmë?

Askush nuk mund të flasë me siguri, për atë që ndodhi me Xho Bajdenin dhe të birin, por pyetja ia vlen të shtrohet. A përfituan ata disi në mënyrë të pandershme nga bamirësia e Amerikës?Megjithatë, nëse Trumpi ka kërcënuar të ndalojë ndihmën, nëse ukrainasit nuk ndërmarrin reforma më të mëdha antikorrupsion, ndoshta kjo është një zile zgjimi që u duhet edhe aleatëve tanë në NATO.

Ne po i jepnim ndihmë Ukrainës për të blerë armë kundër rusëve, por në vend të kësaj ata po i përdornin ato para për të mbushur xhepat e tyre. A ia vlen realisht të mbrohen njerëz të tillë?

Taksapaguesi amerikan, meriton të dijë se ku po shpenzohen dollarët e tij.Nëse aleatët tanë nuk mund ta bëjnë këtë, atëherë kjo është detyrë e presidentit të Shteteve të Bashkuara.

Ka ardhur koha që Evropa të rritet, dhe të marrë përgjegjësi për mbrojtjen e saj. Evropa duhet të bëhet ?zonjë? e shtëpisë së vet, dhe jo ?konkubinë? e saj. Nëse evropianët nuk mund ta pranojnë këtë, a ia vlen akoma që ata të mbrohen nga SHBA-ja?/ Përshtati për shqip CNA.al