web counter
LEXO PA REKLAMA!

SHKARKO APP

App Store
Google Play

Plani i masave të policisë për protestën/ Rrugët që do të bllokohen duke nisur nga ora 10:00

3 Mars 2023, 07:37, Politikë CNA
Plani i masave të policisë për protestën/ Rrugët
Foto ilustruese

Drejtoria Vendore e Policisë Tiranë ka marrë masa për mbarëvajtjen e protestës që do të zhvillohet ditën e sotme në orën 12:00 para Kryeministrisë.

Policia është angazhuar për bllokimin e qarkullimit në disa segmente rrugore si dhe për bllokimin e pjesshëm të qarkullimit në disa segmente të tjera rrugore.

Duke filluar nga ora 06:00 e datës 03.03.2023, nuk do të lejohet parkimi i automjeteve, në rrugët e poshtëshënuara:

Bulevardi “Dëshmorët e Kombit”, sheshi “Nënë Tereza”, rruga “Ismail Qemali”, nga kryqëzimi i Rrugës së Elbasanit me rrugën “Ibrahim Rugova”, rruga “Papa Gjon Pali II”, bulevardi “Zhan D'Ark" dhe bulevardi "Bajram Curri”, nga kryqëzimi i Rrugës së Elbasanit me rrugën “Ibrahim Rugova”.

Gjithashtu, në këto rrugë, do të bllokohet qarkullimi i automjeteve, nga ora 10:00 e datës 03.03.2023 deri në përfundim të tubimit.

Policia kërkon mirëkuptimin e qytetarëve që të shmangin lëvizjen me automjete, në këto akse rrugore dhe të përdorin rrugë alternative, për të mos penguar lëvizjen e lirë të pjesëmarrësve në tubim./ CNA.al





Lajmet e fundit nga