E fundit!

16:50 Aktualitet

Siguroi kushtet për të kryer vrasjen e Hajrullës dhe Matodashajt/ GJKKO shpall dënimin për Erio Zejnon

Gjykata e Posaçme ka dënuar me 7.4 vjet burg Erio Zejnon, ...

"Është një gjykatës në Berlin"/ Gurra tregon historinë e mullixhiut Arnold

2 Mars 2023, 20:21, Politikë CNA

"Është një gjykatës në Berlin"/ Gurra tregon

Gazetari Hysni Gurra nëpërmjet një shkrimi në rrjete sociale ka shprehur mendimin e tij lidhur me vendimin e gjykatës për çështjen e vulës së Partisë Demokratike.

Duke e krahasuar çështjen e vulës me atë të mullixhiut Arnold që s'mundi t'i paguante taksat kontit Schmettau dhe e çoi në Gjykatë, Gurra tregon se si gjyqtarët marrin vendime sipas oreksit të sundimtarit, atë që shumica presin të ndodhë edhe nesër me vendimin e gjyakatës.

"U bë më shumë se një vit që partia më e madhe e opozitës mbahet peng nga një gjykatës.
Duke qënë se në Shqipëri s’ka njeri që nuk e di se nga kush kontrollohen gjykatësit, merret e mirëqenë se kë do të godasë çekiçi i gjyqtarit nesër, 3 mars 2023.

Shqipëria nga viti 2017 e këtej është një regjim i mirëfilltë i modelit të fashizmit liberal. Për ata që diktaturë kuptojnë vetëm komunizëm, fashizëm…s’kam çfarë lodhem t’u shpjegojë gjë.
“Duhet gjithsesi të jetë një gjykatës në Berlin”,- ia atribuojnë këtë frazën Bertold Brehtit, por nuk ka një citim për veprën, dhe që i bie është një moral popullor. Dikur, nën mbretërinë e Frederikut të Prusisë (i madhi) jetonte një mullixhi në një provincë (Der Müller von Sanssouci).

Vjen një moment dhe mullixhiu Arnold nuk mundet më që t’i paguajë taksat kontit Schmettau, kjo sepse baroni Gersdof kishte devijuar rrugën e ujit për interes të vet dhe për pasojë, mulliri i Arnoldit nuk mund të punonte më. Schmettau e çon Arnoldin para një gjykatësi lokal, i cili e dënon mullixhiun me humbjen e mullirit. Gjyqtari merr vendim sipas oreksit të sundimtarit të provincës, siç shumica presin të ndodhë nesër me vulën e PD.

Mirëpo, historia tregon se Arnoldi nuk u dorëzua dhe ia doli ta çojë çështjen e vet deri në një gjykatë në Berlin.
Këtu, fillimisht disa gjykatës shprehen sërish kundër tij, por më në fund, Frederiku i Madh, heton aktet gjyqësore dhe sheh se Arnoldi i shkretë ishte viktimë e një padrejtësie që dukej qartë, ai jo vetëm i njeh të drejtat e veta, por dërgon pas hekurave për një vit gjykatësit kundravajtës.

Kjo ndoshta është një legjendë, por gjithsesi “po, duhet të ketë megjithatë një gjykatës në Berlin”, ka mbetur që atëherë si shprehje e shpresës në paanshmërinë e Drejtësisë.

Po në Tiranë, a ka një gjyqtar si në Berlin?

Nesër do e shohim!", shkruan ai./CNA.al