web counter
LEXO PA REKLAMA!

SHKARKO APP

App Store
Google Play

"Faktori Deripaska në Shqipëri" / Berisha: Prokuroria amerikane ka në dorë çdo komunikim

2 Mars 2023, 12:40, Politikë CNA
"Faktori Deripaska në Shqipëri" / Berisha: Prokuroria
Kreu i PD-së, Sali Berisha

Kreu i PD-së, Sali Berisha, në një deklaratë për mediat, është shprehur se kryeministri Edi Rama, McGonigal dhe oligarku rus Oleg Deripaska, janë tre personazhet më të diskutuar, më të përçmuar dhe më të urryer.

Pas leximit të aktakuzës nga Rama, Berisha tha se prokuroria amerikane ka në dorë çdo komunikim që është bërë edhe nga ministrat e tij.

Kreu i demokratëve nënvizoi se krijimi i komisionit hetimor parlamentar është themelor.

“Ky njeri nuk ndien përgjegjësinë me minimale ndaj shqiptarëve për autorësinë që ka në superskandalin e këtij shekulli, në Uotergejtin e shekullit të XXI-të.

Së bashku me McGonigal dhe oligarkun rus, Oleg Deripaska, janë tre personazhet më të diskutuar dhe në botën e lirë, mund të them më të përçmuar dhe më të urryer.

Foli sikur nuk ka ndodhur asgjë.

Bëri leximin e aktakuzës sipas tij, duke arritur deri aty që të thotë se kjo që thotë gjykata amerikane, nuk është e vërtetë, ndërkohë që prokuroria amerikane ka në dorë çdo komunikim, çdo bisedë që ky ka bërë, edhe ministrat e tij.

Kjo është një çështje që ky kërkon ta mbyllë me teori boshe.

Krijimi i komisionit hetimor parlamentar është themelor. Ka kryer veprimtari kriminale së bashku me McGonigal.

Ka një lidhje tjetër, të pamohueshme dhe kjo lidhje është Deripaska. Deri në vitin 2018 është sanksionuar në SHBA, por në Tiranë deri në vitin 2020 ka marrë pagesa të rregullta për të gjitha kompanitë e tij të shumta në katër anët e vendit. Janë pagesa nga ente shtetërore.

A e lidhi McGonigal, Ramën me Deripaskën, kjo duhet hetuar. Por faktori Deripaska nuk është vetëm në Nju Jork, por edhe në Shqipëri. Atij i janë disbursuar para të taksapaguesve shqiptarë deri në fund të vitit 2022”, tha Berisha./ CNA.al

 





Lajmet e fundit nga