"Je nën hetim, ke kryer krim"/ Berisha-Ramës: Sa do të mbajë imuniteti diplomatik

2 Mars 2023, 10:51, Politikë CNA

"Je nën hetim, ke kryer krim"/ Berisha-Ramës: Sa do të

Kreu i PD-së, Sali Berisha, nga foltorja e Parlamentit është shprehur se kjo seancë është më e veçanta.

Berisha shprehet se nëse nuk merren përgjigje, atëherë Shqipëria, sipas tij, do të jetë një kaos.

"Skema e këtij parlamenti sot është më e veçanta në historinë e tij. Ai sot mirë është të sjellë një barelë. Ai sot bëri mirë që s'doli aty para shqiptarëve. Jam këtu për një seri pyetjesh, të cilave do t’u përgjigjet Komisioni Hetimor Parlamentar. Pa marrë përgjigje për këto pyetje Shqipëria do të jetë kaos", paralajmëroi Berisha.

Deklarata e plotë:

Që në fillim më duhet të theksoj se skena e këtij parlamenti sot është më e veçanta në tërë historinë e tij.

Aty ku është karrigia e kryeministrit, aty qëndron sot Charles McGonigal.

Ai që duhej të ishte aty, është iluziv, sepse i ka hyrë lepuri në bark dhe ka një frikë të tmerrshme nga ajo që i ka bërë vetes së tij.

Atë nuk e zë vendi vend, se ka kryer krime të shëmtuara, kombëtare dhe ndërkombëtare.

Ai sot, mirë është të sillni një barelë këtu, sepse i ka rënë fuqia te këmbët. Ai sot bëri mirë që nuk doli aty, se nuk ka si të paraqitet para shqiptarëve me krimin e shëmtuar transatlantik që ka kryer.

Jam këtu për një seri pyetjesh, janë 13, por duhet të jenë 130, të cilave duhet t’u përgjigjet komisioni hetimor parlamentar. Pa marrë përgjigje për këto pyetje, Shqipëria do të ketë kaos dhe vetëm kaos.

Përgjegjësia do bjeri mbi atë, që ka ulur sot në vendin e vet, tradhtarin e SHBA-së, vrasësin me pagesë të opozitës shqiptare, Charles McGonigal.

Është e pashembullt në histori, që një vend partner të rekrutojë kryezbuluesin e një vendi që udhëheq botën e lirë, që udhëheq NATO-n dhe është udhëheqësi kryesor i paqes dhe sigurisë mbi tokë.

Është e pashembullt që një kryeministër të vërë në dispozicion të tij, të gjithë shtetin, për të bërë luftën më monstruoze, më të turpshme kundër pluralizmit dhe opozitës.

Ke kryer krim në SHBA. Prokurori i Përgjithshëm i SHBA-së tha se kush paguan punonjësit tanë për interesat e tyre, cenon sigurinë tonë kombëtare.

Ndaj, hiq çdo iluzion, je nën hetim, ke kryer krim. Sa do të mbajë imuniteti diplomatik, por do bëjmë gjithçka që të ta heqim atë.

Ti ke vazhduar me McGonigal sistemin e gjobave 20 për qind që ushtroje me pasion./CNA.al