web counter
LEXO PA REKLAMA!

SHKARKO APP

App Store
Google Play

Berisha u “mbyll gojën” socialistëve/ Rama shkrihet së qeshuri

2 Mars 2023, 10:58, Politikë CNA
Berisha u “mbyll gojën” socialistëve/ Rama shkrihet
Foto ilustruese

Kreu i PD-së, Sali Berisha, teksa mbante fjalimin e tij në foltoren e Kuvendit dhe i drejtohet qeverisë me akuza për lidhje me McGonigal, nuk ka kursyer as socialistët, të cilët kanë nisur të qeshin së bashku me kryeministri Edi Rama, i cili është ulur në krah të deputetëve socialistë.

Berisha u është drejtuar socialistëve duke u thënë se janë njësoj si McGonigal, si Dorian Duçka dhe Agron Neza.

“Kush foli? Ti Duçka dhe Neza jeni si McGonigal. Më lini të flas.

Këtu në parlament keni qarkulluar mashtrimin se janë 152 të blacklistuar.

Çfarë bënit ju me këtë? Krijonit vetëm bekgraundin e gjobave që ekipi Rama-McGonigal vendoste nëpërmjet Nezës, Duçkës.

Çfarë ishte ajo klimë që krijoi?

Ndaj u them: stop manipulimit me marrëdhëniet shqiptaro-amerikane.

Ta dijnë shqiptarët se këta, së bashku me Yuri Kim, bënë njoftimin për largimin e ambasadores amerikane, me qëllimin e vetëm që të zgjatej qëndrimi i saj në Shqipëri.

Me SHBA-në na lidhin miqësi dhe vlera të jashtëzakonshme, por ata që manipulojnë me këto marrëdhënie, janë armiqtë më të mëdhenj të këtyre marrëdhënieve.

Do vijë dita, të mësojë edhe shqiptari i fundit se çfarë malli jeni ju, se çfarë mafie e rrezikshme, se nuk keni interes tjetër përveç pasurimit tuaj.

Në traditën atërore tuajën, kundërshtarët janë për t’u zhdukur. Dhe monizmi është regjimi më i mirë.

Përdorët McGonigal për të certifikuar, për të mbyllur vjedhjet tuaja, për të sulmuar antikorrupsionin në Shqipëri, ata që ditë e natë denoncojnë krimin.

McGonigal shkoi aty ku e meriton si tradhtar i kombit të tij. E sigurt që edhe ti do shkosh aty ku e meriton edhe si tradhtar i demokracisë.

Ndaj kërkoj me çdo kusht krijimin e komisionit me të drejtën kushtetuese”, tha Berisha./ CNA.al





Lajmet e fundit nga