E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Çollaku i Bashës bëhet trim, i tregon "muskujt" Sulës: Unë guxoj, kam kaluar sfida

10 Nëntor 2023, 11:37, Politikë CNA

Çollaku i Bashës bëhet trim, i tregon "muskujt"

Kreshnik Çollaku

Deputeti i PD-së së "vulës" Kreshnik Çollaku ka reaguar menjëherë pas ngjarjes së ndodhur në Parlament me Dashnor Sulën, ky i fundit e kërcënoi se do i priste fytin.

Në një deklaratë për mediat, Çollaku i Bashës është bërë trim dhe tha se ka kaluar shumë sfida në jetë dhe nuk heziton që të guxojë në asnjë moment.

Sipas tij ajo që ndodhi sot turpëron parlamentin, por nuk e tremb aspak, por e motivon që të ecë përpara.

“Kam 30 vjet i angazhuar në politikë. Nuk flas për veten, por mbase sot është dita. Jam një prej studentëve të dhjetorit ’90. Jam themelues i PD-së dhe një prej drejtuesve të forumeve rinore që mes armëve organizonim rezistencë në kushte kur jeta nuk ishte e sigurtë. Kam dashur një PD evropiane dhe të reformuar. Nuk kam pasur pengesë për të thënë idetë e mia. Nuk e kisha imagjinuar kurrë se do gjendesha në një situatë të tillë. Unë jam anëtar i komisionit për Çështjet Evropiane. Kam marrë pjesë si i ftuar nga kryetarja Tabaku, me shkrim dhe gojarisht, i vetmi komision i drejtuar nga opozita. U gjenda në sallë me një situatë surprizë, mbledhja drejtohej nga nënkryetarja dhe të pranishëm ishin ish-kolegë që s’janë anëtarë të komisionit, por nuk u shqetësova. Për shkak të rrëmujës, edhe pse unë e mbështes kërkesën e tyre për komisionet parlamentare, nuk arrita dot të dëgjoja ministren për integrimin dhe t’i thoja se qeveria e Ramës është përgjegjëse për vonesën e plotësimit të hapave për integrimin”, u shpreh Çollaku.

Çollaku i drejtoi një apel edhe votuesve duke thënë se fillimisht duhet të zgjedhin njeriun pastaj partinë politike.

“Ngjarja e sotme është një apel se qytetarët kur të votojnë duhet të zgjedhin në fillim njerëzit pastaj partinë politike. Ky është apeli që unë kam sot për çdo qytetar që të zgjedhë fillimisht njerëzit që voton. Sa për ata që janë shqetësuar e më kanë shkruar dua t'iu them se jam shumë mirë, as jam trembur e as jam shqetësuar. Kjo situatë i shërben Edi Ramës i cili po kalon pa asnjë debat buxhetin e shtetit. Ky është mendimi im normalisht", tha Çollaku.

I pyetur nga gazetarët nëse do ta kallëzojë në SPAK kolegun demokrat, Çollaku tha se po e shqyrton çështjen me juristët./CNA