web counter
LEXO PA REKLAMA!

SHKARKO APP

App Store
Google Play

Rekord historik/ 17 minuta seancë plenare, mazhoranca "vrapon" në rrëzimin e projektligjeve të opozitës

9 Nëntor 2023, 10:42, Politikë CNA
Rekord historik/ 17 minuta seancë plenare, mazhoranca "vrapon"
Foto nga Kuvendi i Shqipërisë

Për herë të parë në historinë e pluralizimit shqiptar një seancë plenare si kjo e sotmja, me rend dite disa projektligje me rëndësi, zgjati vetëm 17 minuta. 

Opozita krijoi rrëmujë në Kuvend, ku deputetët mblodhën karriget rreth foltores dhe hodhën dhe tymuese. Por, nga tjetër edhe maxhoranca kishte menduar një skenar që e zbatoi me përpikmëri. 

Mes tymit, debateve dhe përplasjeve, socialistët votuan vetëm një projektligj të propozuar vetë, ndërkohë me nxitim në shenjë hakmarje rrëzuan në pak minuta 6 projektligje të propozuara nga opozita, të cilat ndodheshin në sirtarin e Kuvendit për një kohë të gjatë. 

Opozita me në krye Sali Berishën shfaqen të vendosura në atë që e quajnë rrugë pa kthim, në respektim të Kushtetutës. Ligjvënësit opozitarë kërkojnë ngritjen e Komisioneve Hetimore për çështje me rëndësi, e cila parashikohet edhe në Kushtetutë, si një e drejtë legjitime, por që refuzohet qartazi nga maxhoranca.

Kjo e fundit nuk ka shfaqur asnjë shenjë tërheqjeje edhe pas deklaratës së kreut të SPAK, Altin Dumani, i cili i quajti legjitime kërkesat e opozitës për ngritjen e komisioneve hetimore. 

Mes opozitës dhe maxhorancës, për momentin nuk ka pasur një pikë bashkimi, por vetëm akuza dhe përplasje. 

Kjo e sotmja, një seancë vetëm 17 minuta, tregon jo pak. Një shpërfillje dhe indiferentizëm që maxhoranca tregon ndaj opozitës.

Një grevë urie, mund të jetë lëvizja e radhës nga opozita. Por gjithçka ngelet për t'u parë./CNA

 

 





Lajmet e fundit nga