web counter
LEXO PA REKLAMA!

SHKARKO APP

App Store
Google Play

E fundit!

x

“Na hodhën poshtë punën e 1 viti”/ Tabaku: 6 projektligjet u rrëzuan vetëm se i propozuam ne

9 Nëntor 2023, 10:57, Politikë CNA
“Na hodhën poshtë punën e 1 viti”/ Tabaku: 6
Deputetja Jorida Tabaku

Deputetja Jorida Tabaku reagoi ashpër ndaj qeverisë për rrëzimin e 6 projektligjeve nga mazhoranca në seancën e sotme plenare.

Tabaku tha në një prononcim për gazetarët se projektligjet u rrëzuan vetëm për shkak se u propozuan nga opozita, duke hedhur poshtë punën e një viti.

Ajo deklaroi se sot socialistët duhet të reflektonin për projekt-raportin e KE-së, por ndodhi e kundërta, u shkel me këmbë e drejta kushtetuese e opozitës.

“Besoj që e ndoqët seancën e sotme. Iniciativat që unë kam prezantuar dhe që janë në përputhje me standardet e BE-së që të mos kemi offshore. Thonë janë shumë të mira, por i ka propozuar opozita. Por në momentin që puna 1-vjeçare rrëzohet me forcën e kartonëve, mendoj se opozita ndodhet në limitet e hapësirave parlamentare. Në 8 dhjetor të vitit të shkuar, kam propozuar edhe ligjin për komisionet hetimore dhe kanë një vit që e mbajnë në sirtar dhe nuk kanë miratuar asnjë masë me pretendimin se do të hartohet një ligj i ri.

Fokusi sot duhet të jetë që përveç diskutimeve në Parlament, edhe një reflektim për projekt-raportin e KE-së. Ka një vit që qeveria shqiptare nuk ka ndërmarrë asnjë reformë. Reforma e fundit është ajo e drejtësisë në 2016. Në momentin kur qeveria e kupton që procesi i integrimit, kërkon reforma dhe gjithpërfshirje. Për një vit kjo nuk ka ndodhur. Progres raporti na dha të drejtë. E drejta kushtetuese e opozitës nuk duhet në mënyrë absolute të shkelet me këmbë”, theksoi deputetja.

Tabaku u pyet nga gazetarët për sjelljen e kolegëve opozitarë në Kuvend, por nuk pranoi të komentojë.

“Gjithkush ka mënyrën e vet të reagimit”, nënvizoi ajo./ CNA





Lajmet e fundit nga