web counter
LEXO PA REKLAMA!

SHKARKO APP

App Store
Google Play

E fundit!

x

"Aksioni ynë pa kthim"/ Parlajmërimi i Berishës për Ramën para nisjes së seancës plenare

9 Nëntor 2023, 09:12, Politikë CNA
"Aksioni ynë pa kthim"/ Parlajmërimi i Berishës
Sali Berisha

Në një deklaratë për mediat para nisjes së seancës ish-kryeministri Sali Berisha u shpreh se aksioni opozitar do të vijojë, por nuk dha detaje se çfarë do të bëjnë ditën e sotme deputetët e opozitës. 

Berisha paralajmëroi kryeministrin Edi Rama se asgjë nuk e ndalon veprimin e tyre dhe se aksioni është një rrugë pa kthim, derisa mazhoranca të respektojë të drejtat kushtetuese. 

"Asnjë nuk zbulohet paraprakisht. Nuk ka më normale, gjëja më normale, më e shenjtë që mund të bëjë një deputet është që të mbrojë të drejtën Kushtetuese. Kushtetuta duhet të mbrohet me çdo çmim. Mendoj se ky është vendimi më i përgjegjshëm që bëjnë, bojkoti do të ishte një dëshirë dhe kënaqësi e Edi Ramës të cilën nuk duam t'ia japim. Vlerësojmë progres-raportin dhe në këtë parlament kushtetuta shkelet me të dyja këmbët. Janë shqiptarët ata që duhet t'u japim përgjigje akteve të pashembullta. Rama bëri sikur do të paraqitej në interplenacë dhe papritmas i doli ky problem. Asnjë nuk ndalon veprimin tonë, Aksioni ynë është pa kthim. Do kalojë në të gjitha stadet e veta deri në vendosjen e Kushtetutës në parlament dhe vend", u shpreh Berisha./CNA

 

 

 





Lajmet e fundit nga