LEXO PA REKLAMA!

SHKARKO APP

Berisha zbulon bisedën me Shehajn/ Çfarë i tha kur e njoftoi për largimin nga PD

7 Nëntor 2023, 11:40, Politikë CNA
Berisha zbulon bisedën me Shehajn/ Çfarë i tha kur e njoftoi
Sali Berisha dhe Agron Shehaj

Deputeti Agron Shehaj deklaroi mbrëmjen e djeshme se nuk është më pjesë e Partisë Demokratike dhe se është tërhequr pasi nuk sheh më asnjë alternativë.

Për deklaratën e Shehajt u pyet pak më parë ish-kryeministri Sali Berisha, i cili tha në një prononcim për gazetarët se respekton vendimin e deputetit.

Ai tregoi bisedën e fundit që kishte bërë me Shehajn lidhur me largimin e këtij të fundit nga e djathta.

“Deputeti Agron Shehu është një deputet si çdo deputet tjetër ka gjykimin e tij dhe në këtë aspekt respektoj mendimin e çdo deputeti. Unë kam folur, i kam thënë që respektoj vendimin e tij. I kam thënë në mënyrë më miqësore që ke kontribute të pamohueshme dhe kontributet tua më shumë se këtu nuk marrin peshë kund tjetër”, u shpreh kryedemokrati.

Gjithashtu Berisha u pyet nëse i frikësohet hapjes së një partie të re nga Agron Shehaj.

“Njeriu që nuk frikëson tjerët, nuk frikësohet vetë. Do ketë zhvillime”, u përgjigj ish-kryeministri./ CNA

Lajmet e fundit nga