web counter
LEXO PA REKLAMA!

SHKARKO APP

App Store
Google Play

E fundit!

x

Berisha pralajmëron Qeverinë/ “Nuk e ndal asgjë protestën e opozitës”

7 Nëntor 2023, 11:18, Politikë CNA

Berisha pralajmëron Qeverinë/ “Nuk e ndal asgjë

Ish-kryeministri Sali Berisha ka bërë një paralajmërim për qeverinë nga kryesia e Kuvendit.

Berisha tha në një prononcim për gazetarët se asgjë nuk do mund të ndalë protestën e opozitës.

Ai hodhi akuza veçanërisht ndaj kryeministrit Edi Rama dhe ndaj kryeparlamentares, Lindita Nikolla, teksa u shpreh se mbyllën me kyç Kuvendin në kundërshtim me ligjin dhe Kushtetutën.

“Asgjë nuk do mund të ndalë protestën e opozitës. Akti i djeshëm regjistrohet si akti më i turpshëm në historinë e një Parlamenti, kur Edi Rama urdhëroi Lindën e Parlamentit të mbyllë me gardistë në kundërshtim flagrant me ligjin dhe Kushtetutën, të mbyllë me dry dyert e Parlamentit, në të cilin ata janë anëtarë dhe nga i cili ata kanë imunitetin e tyre.

Këto akte tregojnë degradimin ekstrem të një regjimi që ka përligj ligjet e drogës, kodet e drogës, krimit, vjedhjes dhe korrupsionit. Të dashur qytetarë, kjo betejë është betejë me të keqen më të madhe të historisë sonë kombëtare pas Enver Hoxhës. Edi Rama bllokon komisionet hetimore parlamentare sepse do të nxjerrin vjedhjet e tij, do nxjerrin se si për interesa të tij dhe klaneve të tij, porti mijëravjeçar i Durrësit përfundon në hiç vetëm e vetëm se ky dhe klani i tij në Dubai të ndërtojë 12 mijë apartamente të përvetësojë 1.2 mln km katror truall publik.

Edi Rama del firmëtar kryesor në vjedhjen e shekullit, që janë djegësat dhe veçanërisht ai i Tiranës. Ai nuk mund të pranojë hetimin e tij sepse del i implikuar aksioner me Pëllumb Gjokat, që janë prejardhje krimi dhe droge. Nuk mund të pranojë komisionin hetimor parlamentar sepse del duke shkelur ligje dhe konventa evropiane sepse kërkon të emërojë në Himarë grabitësin e tokave të himariotëve.”, u shpreh ai./ CNA





Lajmet e fundit nga