web counter
LEXO PA REKLAMA!

SHKARKO APP

App Store
Google Play

Përplasjet te Kuvendi/ Reagon Meta: Asgjësim i të drejtave kushtetuese të opozitës

6 Nëntor 2023, 14:07, Politikë CNA
Përplasjet te Kuvendi/ Reagon Meta: Asgjësim i të drejtave
Kryetari i Partisë së Lirisë, Ilir Meta

Kryetari i Partisë së Lirisë, Ilir Meta, ka reaguar për përplasjet e opozitës me Gardën e Republikës te Kryesia e Kuvendit.

Me anë të një statusi në rrjetet sociale, Meta dënon me ashpërsi militarizimin e Kuvendit të Republikës së Shqipërisë.

Ai pretendon se sot u asgjësuan të drejtat kushtetuese të opozitës dhe u sulmua pluralizmi politik e llogaridhënia.

“Dënoj me ashpërsi militarizimin e institucionit më të rëndësishëm të Republikës, Kuvendit të Shqipërisë.

Asgjësimi i të drejtave kushtetuese të opozitës është sulm ndaj pluralizmit politik dhe llogaridhënies para qytetarëve.

Partia e Lirisë mbështet vendosmërisht qëndrimin e opozitës e në veçanti:

-Garantimin e ngritjes së komisioneve hetimore në Kuvend;

-Të drejtën e opozitës për të zgjedhur përfaqësuesit e saj në Komisionin e Reformës Zgjedhore;

-Garantimin e shqyrtimit të të gjitha projektligjeve që opozita ka depozituar në Kuvend dhe që bllokohen prej vitesh.

Deputetët e opozitës përfaqësojnë zërin e mbi 700 mijë qytetarëve të cilët kanë të drejtë të dëgjohen.

Kjo krizë e rëndë nuk zgjidhet me Gardën e Republikës, por me respektimin e Kushtetutës dhe Rregullores së Kuvendit, si baza e funksionimit të demokracisë dhe shtetit të së drejtës”, thekson ai./ CNA





Lajmet e fundit nga