web counter
LEXO PA REKLAMA!

SHKARKO APP

App Store
Google Play

E fundit!

x

Mbi një orë në SPAK/ Rakip Suli: Të lëmë drejtësinë të bëjë punën

6 Nëntor 2023, 12:07, Politikë CNA
Mbi një orë në SPAK/ Rakip Suli: Të lëmë
Kryebashkiaku i Kamzës, Rakip Suli

Kryebashkiaku i Kamzës, Rakip Suli, ka përfunduar dëshminë në SPAK, ku qëndroi për më shumë se një orë, pasi është kallëzuar nga banorët e bashkisë që drejton.

Suli nuk pranoi të flasë për akuzat e ngritura ndaj tij, por deklaroi se do të lërë drejtësinë të bëjë punën e vet.

“Të lëmë drejtësinë të bëjë punën e vet se po jep shpresë te shqiptarët. Fati ynë që kemi këtë drejtësi që jep shpresë te shqiptarët dhe më lini të vazhdoj punën time në shërbim të qytetarëve”, u shpreh ai në një prononcim për gazetarët.

I pyetur nëse do të paraqitet sërish në SPAK, kryebashkiaku socialist tha se do të shkojë sa herë që ta thërrasin.

“Sa herë të duan do vij”, deklaroi Suli, ndërsa nuk komentoi pyetjen se përse nuk u paraqit herën e parë.

Kujtojmë se kryebashkiaku socialist u kallëzua nga banorët e Kamzës, pas auditit të KLSH-së. 

Suli akuzohet për veprat penale “Ushtrim i ndikimit të paligjshëm ndaj personave që ushtrojnë funksione publike”, “Shpërdorimi i detyrës”, “Shkelja e barazisë së pjesëmarrësve në tenderë apo ankande publike” dhe “Korrupsioni pasiv i personave që ushtrojnë funksione publike”.

Deri më tani në Prokurorinë e Posaçme janë thirrur 4 zyrtarë. Pas hetimeve ka rezultuar se ka disa raste të abuzimeve me kompensimet e fondit të rindërtimit me praktikat e Ds1 Ds2 Ds3 Ds4 Ds5./ CNA





Lajmet e fundit nga