web counter
LEXO PA REKLAMA!

SHKARKO APP

App Store
Google Play

E fundit!

x

Kaos te dera e Kuvendit/ Deputetët e PD-së përplasen me Gardën, Bardhi: Do ta padisim Lindita Nikollën

6 Nëntor 2023, 10:48, Politikë CNA

Kaos te dera e Kuvendit/ Deputetët e PD-së përplasen me

Deputeti Gazment Bardhi paralajmëroi se do të ketë një tjetër kallëzim penal ndaj kryetares së Kuvendit, Lindita Nikolla. 

Deklarata e Bardhit u bë nga dera e Kryeisë së Kuvendit, ku deputetët e përjashtuar të PD-së nuk janë lejuar që të futen brenda godinës nga punonjësit e Gardës. 

“Ky është shpërdorim i pastër detyre që do t'i bashkëngjitet kallëzimit penal për Lindita Nikollën”, tha Bardhi jashtë kryesisë.

Garda nuk ka lejuar që të futen në Kryesinë e Kuvendit 8 deputetët e Partisë Demokratike që janë përjashtuar, që sipas Bardhit është fytyra e regjimit të Ramës. 

"Aq punonjës Garde nuk u çohen bandave më të rrezikshme kriminale. I kanë vënë përballë deputetëve të opozitës. Kjo është fytyra e regjimit të Ramës. Nuk ka pasur mbledhje të Byrosë së Kuvendit, mund ta kenë bërë te vila e Nikollës, e blerë me paratë e korrupsionit edhe në kushtet e shpërdorimit të detyrës. Si ajo ka zyrë të shtetit në kryesi dhe unë e çdo deputet kemi zyrat në kryesi. S’po lejohemi të aksesojmë zyrat tona. Masa disiplinore që na është marrë është përjashtimi nga komisionet, por jo të na përjashtojnë nga mbledhjet e grupit", u shpreh Bardhi./CNA

 

 

 





Lajmet e fundit nga